തിരുവനന്തപുരം ഐരാണിമുട്ടത്ത് മെഡിക്കല് കോളജിലെ കുടിവെള്ള ടാങ്കില് ചത്ത നായ ചൂഞ്ഞളിഞ്ഞ് കുടിവെള്ളം...!
ഐരാണിമുട്ടം ഗവ. ഹോമിയോ മെഡിക്കല് കോളജ് ആശുപത്രിയിലെ കുടിവെള്ള ടാങ്കില് ചത്ത നായയുടെ ജഡം കണ്ടെത്തി. ടാങ്കില് നിന്ന് വലിയ രീതിയില് ദുര്ഗന്ധം വമിച്ചതിനെ തുടര്ന്ന് അധികൃതര് നടത്തിയ പരിശോധനയിലാണ് ഞായറാഴ്ച രാത്രിയോടെ അഴുകിയ നിലയില് നായയുടെ ജഡം കണ്ടെത്തിയത്.
മെഡിക്കല് കോളജിലെ രോഗികളും കൂട്ടിരിപ്പുകാരും ജീവനക്കാരും അധ്യാപകരുമടക്കം നൂറുകണക്കിന് ആളുകളാണ് പ്രതിദിനം ഈ ടാങ്കില് നിന്നുള്ള വെള്ളം കുടിക്കാനും മറ്റ് ആവശ്യങ്ങള്ക്കുമായി ഉപയോഗിച്ചിരുന്നത്. കുടിവെള്ളത്തില് ദുര്ഗന്ധം അനുഭവപ്പെട്ടതോടെയാണ് ജീവനക്കാരും രോഗികളും പരാതിയുമായി രംഗത്തെത്തിയത്. തുടര്ന്ന് ടാങ്കിന്റെ മൂടി തുറന്ന് പരിശോധിച്ചപ്പോഴാണ് നായ ചത്തുകിടക്കുന്നത് കണ്ടത്.
സംഭവം പുറത്തറിഞ്ഞതോടെ ആശുപത്രിയില് രോഗികളും ബന്ധുക്കളും പ്രതിഷേധവുമായെത്തി. സുരക്ഷാ വീഴ്ചയാണ് സംഭവത്തിന് പിന്നിലെന്ന് ആരോപണമുണ്ട്. ടാങ്കില് ശുദ്ധജല വിതരണം തടസ്സപ്പെടാതിരിക്കാനും ബദല് മാര്ഗ്ഗങ്ങള് ഏര്പ്പെടുത്താനുമുള്ള നടപടികള് അധികൃതര് ആരംഭിച്ചു. കുടിവെള്ള ടാങ്ക് വൃത്തിയാക്കി അണുവിമുക്തമാക്കുന്ന പ്രവര്ത്തനങ്ങള് പുരോഗമിക്കുകയാണ്. സംഭവത്തില് വിശദമായ അന്വേഷണത്തിന് നിര്ദ്ദേശം നല്കിയിട്ടുണ്ട്.
https://www.facebook.com/Malayalivartha
