ദക്ഷിണേന്ത്യയിലെ പ്രമുഖ നടിമാരില്‍ ഒരളായ അമലാപോള്‍ ജുവലറി പരസ്യത്തില്‍ അഭിനയിക്കാതെ മുങ്ങിയതായി പരാതി. എറണാകുളം ഗോള്‍ഡ് സൂക്കിലെ മില്ലേനിയം ഗോള്‍ഡിന്റെ പരസ്യത്തില്‍ അഭിനയിക്കാന്‍ കഴിഞ്ഞ മേയില്‍ 30 ലക്ഷം രൂപ വാങ്ങിയ ശേഷം പരസ്യത്തില്‍ അഭിനയിക്കാതെ മുങ്ങിയെന്നാണ് താരത്തിനെതിരായ പരാതി. കരാര്‍ ഒപ്പിട്ട ശേഷം പരസ്യത്തില്‍ അഭിനയിക്കാനായി താരത്തെ ബന്ധപ്പെട്ടെങ്കിലും അഭിനയിക്കാന്‍ താരം കൂട്ടാക്കിയില്ലെന്ന് ഉടമകള്‍ കോടതിയില്‍ വ്യക്തമാക്കി. ഇതിനെ തുടര്‍ന്ന് ജുവലറി അധികൃതര്‍ നല്‍കിയ പരാതിയെ തുടര്‍ന്നാണ് കോടതി നടപടി.
വിശ്വാസ വഞ്ചന കാണിച്ചുവെന്ന പരാതിയില്‍ ജുവലറിയുടെ പരസ്യത്തില്‍ അഭിനയിക്കുന്നതില്‍ നടി അമലപോളിനെ കോടതി വിലക്കി. കേസ് പരിഗണിച്ച എറണാകുളം അഡീഷണല്‍ സെഷന്‍സ് കോടതിയാണ് പരസ്യ അഭിനയത്തില്‍ നിന്നും താരത്തെ വിലക്കിയത്. ഇതു കൂടാതെ തങ്ങളോടുള്ള കരാര്‍ ലംഘിച്ചതിന് പുറമേ മറ്റൊരു ജുവല്ലറിയുടെ പരസ്യത്തില്‍ അഭിനയിച്ചതും തങ്ങള്‍ക്ക് തിരിച്ചടിയായെന്നും ജുവല്ലറി ഉടമകള്‍ ചൂണ്ടിക്കാട്ടി. പത്തനാപുരത്തുള്ള ഒരു ജുവലറിയുടെ പരസ്യത്തിലാണ് അമല അഭിനയിച്ചത്. കേസ് പരിഗണിച്ച കോടതി താരത്തെ വിലക്കിക്കൊണ്ട് ഉത്തരവിടുകയായിരുന്നു.
സിനിമയ്ക്ക് പുറത്ത് നടിമാരുടെ പ്രധാന വരുമാന മാര്‍ഗ്ഗമാണ് പരസ്യത്തിലെ അഭിനയം. പല നടമാരു കോടികളാണ് ഇത്തരത്തില്‍ പ്രതിഫലം പറ്റുന്നത്. സിനിമയിലേക്കുള്ള രണ്ടാം വരവില്‍ നടി മഞ്ജു വാര്യര്‍ക്ക് സിനിമയേക്കാള്‍ പ്രിയം പരസ്യങ്ങളോടായിരുന്നു. ഒരു പ്രമുഖ ജുവല്ലറിയുടെ പരസ്യത്തില്‍ അഭിനയിച്ച മഞ്ജു വാര്യര്‍ക്ക് പ്രതിഫലം കോടികളായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha