മഞ്ജുവാര്യര്‍ പോയതോടെ ദിലീപിന്റെ ഭാഗ്യം പോയതു പോലെയായോ പ്രിയദര്‍ശന്റെ അവസ്ഥ എന്നാണ് സാധാരണ പ്രേക്ഷകര്‍ ചോദിക്കുന്നത്. ലിസി പോയതോടെ പ്രിയന്‍ പരാജയത്തിലേക്ക് കൂപ്പുകുത്തുകയാണോ എന്ന ചോദ്യം അവശേഷിക്കുന്നു. എന്നും പ്രിയന്റെ താങ്ങായി നിന്ന ലിസിയുമായി പ്രിയന്‍ അകന്ന ശേഷമുള്ള ആദ്യ ചിത്രമായ ആമയും മുയലും പ്രേക്ഷകരെ നിരാശപ്പെടുത്തി. പ്രിയദര്‍ശന്റെ തന്നെ മലാമല്‍ വീക്കിലി എന്ന ഹിന്ദി ചിത്രത്തിന്റെ റീമേക്കാണ് ചിത്രം. ജയസൂര്യയുടെ വളരെക്കാലത്തെ ആഗ്രഹത്തിന് വഴങ്ങി പ്രിയന്‍ ചിത്രം തട്ടിക്കൂട്ടുകയായിരുന്നു. അതിനിടെ പ്രിയന്റെ അമ്മയും അച്ഛനും മരിച്ചു. ഭാര്യ ലിസി അകന്നു. ഈ പ്രശ്‌നങ്ങളെല്ലാം ചിത്രത്തെ ബാധിച്ചു. പണ്ട് പണ്ടൊരു നാട്ടില്‍ ഒരു ആമയും മുയലും ഉണ്ടായിരുന്നു. ഒരിക്കല്‍ അവരിരുരവരും ഒരു ഓട്ടപ്പന്തയം വച്ചു. അഹങ്കാരിയായ മുയല്‍ തോറ്റതും സഹിഷ്ണുതകൊണ്ട് ആമ ജയിച്ചതുമായ കഥ കേട്ട് അമ്മയുടെ മടിയില്‍ കിടന്നുറങ്ങിയ സന്ധ്യകളൊത്തിരിയുണ്ട്. പക്ഷെ ആമയും മുയലുമെന്ന പ്രിയന്റെ ചിത്രം കണ്ടപ്പോള്‍ തിയേറ്ററില്‍ നിന്നും ഓടാനാണ് തോന്നുന്നത്.

ഗൗളിപ്പാട് ഗ്രാമത്തിലെ പേരുകേട്ട കള്ളന്മാരാണ് കാശിനാഥനും (നെടുമുടി വേണു) നല്ലവനും (ഇന്നസെന്റ്) കല്ലുവും (ജയസൂര്യ) താമരയും (പിയ ബാജ്‌പേയ്) ഒരിക്കല്‍ ഗ്രാമത്തിലെ ഒരാള്‍ക്ക് ലോട്ടറി അടിക്കുന്നു. പിന്നീട് ഉണ്ടാകുന്ന സംഭവ വികാസങ്ങളാണ് കഥ.

എണ്ണമറ്റ കഥാപാത്രങ്ങള്‍ ചിത്രത്തില്‍ വരുന്നുണ്ടെങ്കിലും എന്തിന് വന്നു എന്ന് അവര്‍ക്കും പ്രേക്ഷകര്‍ക്കും അറിയില്ല. ജയസൂര്യ നായകനായ ചിത്രമെന്ന് പറയുന്നുണ്ടെങ്കിലും ഇന്നസെന്റും നെടുമുടി വേണുവുമാണ് നിറഞ്ഞു നില്‍ക്കുന്നത്. നെടുമുടി അല്പം മിതത്വം പാലിച്ച് ഒഴിഞ്ഞു നിന്നുവെങ്കിലും, ചിരിപ്പിക്കാനുള്ള ഇന്നസെന്റിന്റെ ശ്രമങ്ങള്‍ പ്രേക്ഷകരെ വെറുപ്പിക്കുന്നതായിരുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha