തന്റെ മോശം സമയങ്ങളില് ഭര്ത്താവും വിഷമിച്ചിരുന്നെന്ന് ശ്വേത മേനോന്
തന്റെ ജീവിതത്തിലെ മോശം സമയങ്ങളില് ഭര്ത്താവ് ശ്രീവല്സനും ഏറെ വിഷമിച്ചിരുന്നെന്ന് നടി ശ്വേതാ മേനോന്. ഭര്ത്താവ് എന്നതിലുപരി നല്ല സുഹൃത്താണ് ശ്രീ. കൊല്ലത്തെ വിവാദ സംഭവങ്ങള് ഉണ്ടായ സമയത്ത് സുഹൃത്തിനെപ്പോലെ ഒപ്പം ഇരുന്ന് നമുക്ക് എന്ത് തീരുമാനം എടുക്കാം, അല്ലെങ്കില് എന്താണ് പോംവഴി എന്ന് ആലോചിക്കുകയും ഒറ്റപ്പെട്ട് പോകാതിരിക്കാന് ചേര്ത്തുപിടിച്ച് ശ്രീ ആശ്വസിപ്പിക്കുകയും ചെയ്തു. ഭാര്യ എന്നതിനേക്കാള് ഞാന് ഒരു നടിയാണ്, അമ്മയാണ്, എന്റെ അച്ഛന്റെ മകളാണ് അങ്ങനെ ഒരുപാട് റോളുകള് കൈകാര്യം ചെയ്യുന്ന ഒരു വ്യക്തിയെ ഹാന്ഡില് ചെയ്യുക നിസാരമല്ല.
അദ്ദേഹം ഒരു ജേര്ണലിസ്റ്റ് ആയതു കൊണ്ട് ഭാര്യയും നടിയും ഒക്കെ ഏതറ്റംവരെ ചിന്തിക്കുമെന്ന് അറിയാം. എന്നെ നിയന്ത്രിക്കുന്നതിലുപരി സ്നേഹിക്കുകയും പരിഗണിക്കുകയും ചെയ്യുന്ന ആളാണ് ശ്രീ. പൊസസീവും ഇടുങ്ങിയ ചിന്താഗതിയുള്ളതുമായ ആളുമല്ല ശ്രീ. അറിയപ്പെടുന്ന ഒരു പത്ര പ്രവര്ത്തകനാണ്. ജീവിതത്തിലെ എല്ലാവശങ്ങളേയും കുറിച്ച് ബോധ്യമുള്ള ആളുമാണ്. ആളുകളെ സ്നേഹിക്കുകയല്ലാതെ അവരെ അടക്കിപിടിച്ച് ആജ്ഞകള് കൊടുക്കുന്ന ജീവിതം എന്ത് ജീവിതമാണ് എന്നാണ് ശ്രീയുടെ കാഴ്ചപ്പാട്.
സിനിമാ നടിയെ വിവാഹം കഴിക്കുന്നത് അവരുടെ പണം, പ്രശസ്തി, സൗന്ദര്യം ഇതൊക്കെ കണ്ടിട്ടാണെന്നാണ് മിക്കവരുടേയും ധാരണ. വിവാഹത്തിന് മുന്പേ ഞങ്ങള് പരസ്പരം മനസിലാക്കിയിരുന്നു. പരിചയപ്പെടുമ്പോഴേ ഞാന് എസ്റ്റാബ്ലിഷായ വ്യക്തിയാണ്. നിങ്ങള് കാണുന്ന ശ്വേതയല്ല ശ്രീയുടെ അമ്മു. നടിയായാലും ഒരു പെണ്ണാണെന്നത് മറക്കാതെ ജീവിക്കുക. ഭാര്യയാണ്, വീട്ടമ്മയാണ് അതൊന്നും മറക്കരുത്. അഭിനയം എന്റെ തൊഴിലാണ്. അതുകൊണ്ട് മേയ്ക്കപ്പിട്ടുകഴിഞ്ഞാല് മറ്റൊരാളാണ്. ശരിക്കും ഒരു മുഖംമൂടി അണിയുന്നതുപോലെ. അല്ലാത്തപ്പോള് വീട്ടമ്മയും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha