ദുരന്തം ഉണ്ടായപ്പോള് അമല് മാത്രമേ ഉണ്ടായിരുന്നുള്ളൂവെന്ന് ജ്യോതിര്മയി
ജീവിതത്തില് ദുരന്തങ്ങള് ഉണ്ടായപ്പോള് അമല് നീരദ് മാത്രമേ ഉണ്ടായിരുന്നുള്ളു എന്ന് ജ്യോതിര്മയി. പതുക്കെ വളര്ന്നു വന്ന് ഗാഢമായി തീര്ന്ന സൗഹൃദമായിരുന്നു ഞങ്ങളുടേത്. പിന്നെ ഒരു സുഹൃത്തിനേക്കാളുപരിയായി തോന്നി. സൗഹൃദം, ആദരവ് എല്ലാം ഒരുപോലെ. ഓരോ ദിവസവും മാനസികമായി അടുക്കുകയാണെന്ന് ഞങ്ങള്ക്ക് തോന്നി. കല്യാണത്തിന്റെ തീരുമാനം വീട്ടില് പറഞ്ഞപ്പോള് അമ്മയ്ക്ക് അത് ഏറെ ആശ്വാസമായി എന്ന് ജ്യോതിര്മയി പറഞ്ഞു.
മഹാരാജാസില് പഠിച്ചിരുന്ന കാലത്താണ് ജ്യോതിര്മയി അമല് നീരദിനെ പരിചയപ്പെടുന്നത്. ഒരു ബിഗ് മാന് എന്ന ആദരവായിരുന്നു അമലിനോട് അക്കാലത്ത് ജ്യോതിര്മായിക്ക്. കലാപരിപാടികളും മറ്റുമായി ഒരു ആഘോഷമായിരുന്നു മഹാരാജാസ് അന്ന്. ജ്യോതിര് മയി പെയിന്റിങ് മത്സരങ്ങളില് പങ്കെടുക്കാറുണ്ടായിരുന്നു. ആ രീതിയിലാണ് അമലിന് തന്നെ പരിചയമെന്ന് ജ്യോതിര്മയി പറയുന്നു. പിന്നീട് ഇരുവരും കണ്ടുമുട്ടുന്നത് അമല് കൊല്ക്കത്തയില് സത്യജിത്ത്റായ് ഇന്സ്റ്റിറ്റിയൂട്ടില് പഠിച്ച് ബര്ലിനിലെ സ്ക്കോളര്ഷിപ്പും കഴിഞ്ഞു വന്ന സമയത്താണ്.
അമല് അന്നൊരു പരസ്യം ചെയ്തിരുന്നു. ആ പരസ്യത്തിനു വേണ്ടിയൊരു ഫോട്ടോ ഷൂട്ടുണ്ടായിരുന്നു. അതോടെ കുറച്ചുകൂടി ഫ്രണ്ട്ഷിപ്പായി. ഇടയ്ക്ക് പല കാര്യങ്ങളും സംസാരിക്കും. ചര്ച്ച ചെയ്യും. പഴയ മഹാരാജാസുകാര് എന്ന അടുപ്പം ഉള്ളിലുണ്ടായിരുവെന്ന് തോന്നുന്നു ജ്യോതിര്മയി പറഞ്ഞു. ഡിവോഴ്സി ഒരു സ്ത്രീയാകുമ്പോള് പല രീതിയിലാവും പുരുഷന്മാര് പ്രതികരിക്കുക. ഒട്ടും ജഡ്ജ് ചെയ്യാതെ അസുഖകരമായി തോന്നാത്തവിധം എന്നോടു പെരുമാറിയ ചില സുഹൃത്തുകളില് പ്രധാനപ്പെട്ടയാളായിരുന്നു അമല്\'.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha