സിനിമയില് ഉപയോഗിച്ചത് അസിസ്റ്റന്റ് ഡയറക്ടറുടെ നമ്പറാണെന്ന് സിദ്ധാര്ത്ഥ് ഭരതന്
ദിലീപിനെ നായകനാക്കി താന് സംവിധാനം ചെയ്ത ചന്ദ്രേട്ടന് എവിടെയാ എന്ന ചിത്രത്തിനെതിരെ വീട്ടമ്മ പരാതി നല്കിയതിനെതിരെ സിദ്ധാര്ത്ഥ് ഭരതന് രംഗത്ത്. ചിത്രത്തില് കാണിയ്ക്കുന്ന സാങ്കല്പിക നമ്പര് തന്റേതാണെന്നും അത് കാരണം തനിക്ക് നിരന്തരം കോളുകളാണെന്നുമാണ് വീട്ടമ്മയുടെ പരാതി. സിനിമയുടെ പ്രദര്ശനം നിര്ത്തിവയ്ക്കണമെന്ന ആവശ്യവുമായാണ് വീട്ടമ്മ കോടതിയെ സമീപിച്ചത്.
എന്നാല് ചിത്രത്തില് ഉപയോഗിച്ചിരിയ്ക്കുന്ന ഫോണ് നമ്പര് അസിസ്റ്റന്റ് ഡയറക്ടറുടേതാണെന്ന വിശദീകരണവുമായി സംവിധായകന് സിദ്ധാര്ത്ഥ് ഭരതന് രംഗത്തെത്തി. സംവിധായകന് എന്ന നിലയിക്ക് ഇക്കാര്യം തനിക്കും അറിയാമെന്നാണ് സിദ്ധാര്ത്ഥിന്റെ പ്രതികരണം. അസിസ്റ്റന്റ് ഡയറക്ടറുടേയും പരാതിക്കാരിയായ വീട്ടമ്മയുടെയും ഒരേ നമ്പറാകാന് സാധ്യതയില്ലെന്നും ഒരക്കം മാറിയോ മറ്റോ ആവും കോള് വന്നതെന്നും സിദ്ധാര്ത്ഥ് പറഞ്ഞു. ഒരു ചിത്രം വിജയിച്ചാല് അതിനെ ചൊല്ലി ഇല്ലാക്കഥകള് ഉണ്ടാകുന്നത് സ്വാഭാവികമാണെന്നും സിദ്ധാര്ത്ഥ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha