നിങ്ങള് ഓരോരുത്തരുടെയും സ്നേഹത്തിന് നന്ദി! ഇത് വൈകാരിക നിമിഷം, സിനിമകള് വീണ്ടും തീയേറ്ററില് എത്തിയതിന്റെ ആഘോഷം... ഇതൊരു വൈകാരിക റോളര്-കോസ്റ്റര് യാത്ര: ഫേസ്ബുക്ക് കുറിപ്പുമായി ദുല്ഖര് സല്മാന്
കുപ്രസിദ്ധ കുറ്റവാളിയായ സുകുമാരക്കുറുപ്പിന്റെ ജീവിതം പ്രമേയമാക്കി പുറത്തിറയ ദുല്ഖര് സല്മാന് ചിത്രം കുറുപ്പ് തിയേറ്ററില് മികച്ച പ്രതികരണം നേടി മുന്നേറുകയാണ്.
ദീര്ഘനാളത്തെ കാത്തിരിപ്പിനൊടുവില് റിലിസ് ചെയ്ത ചിത്രത്തില് ലഭിച്ച പ്രതികരണത്തിന് നന്ദി അറിയിച്ചിരിക്കുകയാണ് ദുല്ഖര് ഇപ്പോള്. സിനിമയില് പ്രവര്ത്തിച്ചവര്ക്കും വിജയമാക്കിയ പ്രേക്ഷകര്ക്കുമാണ് ദുല്ഖര് സ്നേഹം അറിയിച്ചത്.
ദുല്ഖറിന്റെ ഫേസ്ബുക്ക് കുറിപ്പ്;
നിങ്ങള് ഓരോരുത്തരുടെയും സ്നേഹത്തിന് നന്ദി. ഈ വലിയ സ്വീകരണത്തിന്, അഭിപ്രായങ്ങള്ക്ക്, പ്രതികരണത്തിനും സത്യസന്ധമായ ചിന്തകള്ക്കും ആകാംക്ഷയ്ക്കും നന്ദി. സിനിമകള് വീണ്ടും തീയേറ്ററില് എത്തിയതിന്റെ ആഘോഷം. എന്നെ സംബന്ധിച്ചിടത്തോളം ഇതൊരു വൈകാരിക റോളര്-കോസ്റ്റര് യാത്രയായിരുന്നു.
ചിത്രത്തോടുള്ള സ്നേഹത്തിനും പ്രതിബദ്ധതക്കും കുറുപ്പിന്റെ എല്ലാ അണിയറപ്രവര്ത്തകര്ക്കും നന്ദി. നിങ്ങള് ഓരോരുത്തരുമാണ് ഈ സിനിമയെ ഇന്നത്തെ നിലയിലേക്കുയര്ത്തിയത്. അവസാനമായി ഞങ്ങളുടെ കുഞ്ഞിനെ പിന്തുണച്ചതിന് സിനിമയെ സ്നേഹിക്കുന്ന ഓരോ പ്രേക്ഷകനും സ്നേഹം.
സെക്കന്ഡ് ഷോയുടെ സംവിധായകന് ശ്രീനാഥ് രാജേന്ദ്രന് സംവിധാനം ചെയ്തിരിക്കുന്ന കുറിപ്പ് മലയാളം, ഹിന്ദി, തമിഴ്, തെലുങ്ക്, ഹിന്ദി, കന്നഡ എന്നീ ഭാഷകളിലായാണ് റിലീസ് ചെയ്തിരിക്കുന്നത്. ശോഭിത ധുലിയാണ് കുറുപ്പില് ദുല്ഖറിന്റെ നായിക. ഇന്ദ്രജിത്ത് സുകുമാരന്, സണ്ണി വെയ്ന്, ഷൈന് ടോം ചാക്കോ, സുരഭി ലക്ഷ്മി, വിജയ രാഘവന് എന്നിവരും പ്രധാന വേഷങ്ങളില് എത്തുന്നു.
https://www.facebook.com/Malayalivartha
