ക്രൈംബ്രാഞ്ചിന് നല്കിയ മൊഴിയില് ദിലീപിന്റേയും പ്രതികളുടേയും ശബ്ദം തിരിച്ചറിഞ്ഞ് മഞ്ജു വാര്യര്, ശബ്ദം കൃത്രിമമല്ല, ദിലീപിന്റെയും കാവ്യയുടേയും കള്ളക്കളികള് പുറത്തെത്തിച്ച് ലേഡി സൂപ്പര് സ്റ്റാര്
നടിയാക്രമിക്കപ്പെട്ട കേസില് മറ്റൊരു നിര്ണായക നീക്കം കൂടി അന്വേഷണ സംഘം നടത്തിയിരിക്കുകയാണ്. നടിയും ദിലീപിന്റെ മുന് ഭാര്യയുമായ മഞ്ജു വാര്യരുടെ മൊഴിയെടുത്തിരിക്കുന്നു. ദിലീപ് അടക്കമുള്ള പ്രതികളുടെ ശബ്ദ സാമ്പിളുകള് മഞ്ജു വാര്യര് തിരിച്ചറിഞ്ഞു എന്നാണ് പുറത്തുവരുന്ന വിവരം. കഴിഞ്ഞ ദിവസം പുറത്തുവന്ന മൂന്ന് ശബ്ദരേഖകളും ഇതില്പ്പെടും.
കൊച്ചിയിലെ ഒരു ഹോട്ടലില് വച്ച് ഇന്നലെയാണ് മൊഴി എടുക്കല് നടപടികള് ഉണ്ടായത്. ഈ കേസില് തുടക്കം മുതലുള്ള വിചാരണ ഘട്ടങ്ങളില് കൂറുമാറാത്ത സാക്ഷികളില് ഒരാളുകൂടിയാണ് മഞ്ജു. അതിജീവിതക്കൊപ്പമാണ് താന് എന്ന് മഞ്ജു ഇടക്കിടെ പറയാറുണ്ടായിരുന്നു. അതേസമയം നടിയും ദിലീപിന്റെ ഇപ്പോഴത്തെ ഭാര്യമുമായ കാവ്യാ മാധവനെ നാളെ കക്രൈംബ്രാഞ്ച് ചോദ്യം ചെയ്യാനിരിക്കുകയാണ്. ഇതിനിടെ മഞ്ജുവിന്റെ മൊഴിയെടുത്തത് ഏറെ നിര്ണായകമാണെന്ന് വേണം കരുതാന്.
പുറത്തുവന്ന ശബ്ദരേഖകളില് ചിലത് തന്റേതാണെന്ന് നേരത്തെ ദിലീപ് ശരിവെച്ചിരുന്നു. എന്നാല് റെക്കോഡിലുള്ള ചില ഭാഗങ്ങള് തന്നെ ചതിക്കാന് ആരോ കരുതിക്കൂട്ടി ചെയ്തതാണെന്നും ദിലീപ് വ്യക്തമാക്കിയിരുന്നു. ഇതില് എന്തെങ്കിലും കൃത്രിമം നടന്നിട്ടുണ്ടോ എന്ന് പരിശോധിക്കാന് കൂടിയാണ് മഞ്ജുവിന്റെ മൊഴിയെടുത്തത്. വര്ഷങ്ങളോളം അടപ്പവുമുള്ളവര് ശബ്ദവും കൈയക്ഷവരും തിരിച്ചറിയുന്നത് കേസിന്റെ ബലം കൂട്ടുമെന്നാണ് നിയമോപദേശമാണ് ക്രൈംബ്രാഞ്ചിനെ ഈ നീക്കത്തിലേക്ക് നയിച്ചത്.
മാത്രമല്ല കഴിഞ്ഞ ദിവസം കേരളാ ഫിലിം എക്സിബിറ്റേഴ്സ് ഫെഡറേഷന് ഉപദേശക സമിതി അംഗം ലിബര്ട്ടി ബഷീര് നടത്തിയ പ്രസ്താവനയും ഈ മൊഴിയെടുക്കലിന് പിന്നില് ഉണ്ടെന്ന് വേണം കരുതാന്. മീനാക്ഷി ജനിച്ച് രണ്ട് മാസം തികയും മുമ്പ് തന്നെ കാവ്യയും ദിലീപും ബന്ധമുണ്ടായിരുന്നെന്നും ഇക്കാര്യം മഞ്ജു തന്നോട് കരഞ്ഞ് പറഞ്ഞെന്നും ലിബര്ട്ടി ബഷീര് ചൂണ്ടിക്കാട്ടിയിരുന്നു.
നിലവില് സാക്ഷി ആയാണ് കാവ്യാ മാധവനെ ചോദ്യം ചെയ്യാന് വിളിപ്പിച്ചിട്ടുള്ളത്. സാക്ഷിയായ സ്ത്രീകളെ പൊലിസ് സ്റ്റേഷനില് വിളിപ്പിക്കരുതെന്ന ചട്ടം നിലനില്ക്കെ ചോദ്യംചെയ്യല് എവിടെ വേണമെന്ന് കാവ്യയ്ക്ക് തീരുമാനിക്കാമെന്ന് അന്വേഷണ സംഘം അറിയിച്ചിരുന്നു. ചോദ്യംചെയ്യലിന് എത്താന് കഴിയുന്ന ഉചിതമായ സ്ഥലം ഇന്ന് വൈകുന്നേരം അഞ്ച് മണിക്ക് മുന്പ് അറിയിക്കാനാണ് അന്വേഷണ സംഘം കാവ്യയെ അറിയിച്ചിരിക്കുന്നത്.
എന്നാല് ചോദ്യം ചെയ്യലിന് നിശ്ചയിച്ചിരിക്കുന്ന ദിവസമോ സമയത്തിനോ മാറ്റമുണ്ടാവില്ലെന്നും ക്രൈം ബ്രാഞ്ച് വ്യക്തമാക്കുന്നു. ഈ ദിവസം ഹാജരാകാന് ബാലചന്ദ്രകുമാറിനും അന്വേഷണ സംഘം നിര്ദ്ദേശം നല്കിയിട്ടുണ്ട്. ആലുവ പോലീസ് ക്ലബ്ബില് ഹാജരാവാനാണ് നേരത്തെ നിര്ദേശിച്ചത്. ഇതിലാണ് ഇപ്പോള് മാറ്റം വരുത്തിയത്. സമയത്തിലും ദിവസത്തിലും വ്യത്യാസമില്ലെങ്കിലും ഹാജരാകുന്ന സ്ഥലം അറിയിക്കാനാണ് കാവ്യക്ക് ക്രൈം ബ്രാഞ്ച് നിര്ദേശം നല്കിയിരിക്കുന്നത്. കാവ്യ തിരഞ്ഞെടുക്കുന്ന ഉചിതമായ സ്ഥലം പത്മസരോവരമാകാം എന്നും അഭ്യൂഹങ്ങളുണ്ട്
https://www.facebook.com/Malayalivartha
