പ്രശസ്ത സംഗീത സംവിധായകന്‍ ജോണ്‍സന്റെ മകള്‍ സംഗീത സംവിധായിക ഷാന്‍ ജോണ്‍സന്റെ മരണവാര്‍ത്ത മാത്രമാണ് നമ്മള്‍ അറിഞ്ഞത്. ഷാന്‍ എന്തിനു മരിച്ചെന്നോ എങ്ങനെ മരിച്ചെന്നോ നമുക്കറിയില്ല. മദ്രാസിലെ ഫ്‌ളാറ്റില്‍ ഷാന്‍ മരിച്ചുകിടന്നുവെന്ന വിവരം മാത്രമാണ് പുറം ലോകം അറിഞ്ഞത്. ആത്മഹത്യയാണെന്നാണ് പ്രാഥമിക നിഗമനം. എന്നാല്‍ അനുഗ്രഹീതയായ കലാകാരി എന്തിന് ആത്മഹത്യ ചെയ്യണം.
ആത്മഹത്യയാണെങ്കില്‍ അതിനൊരു കാരണം മാത്രമേയുള്ളൂ. അത് മരിച്ചുപോയ അച്ഛന്റെ അടുക്കലെത്താനുള്ള അദമ്യമായ ആഗ്രഹമായിരിക്കാം.
'ഇളംവെയില്‍ കൊണ്ടു നാം നടന്ന നാളുകള്‍ ഇടവഴിയില്‍ ഹൃദയങ്ങള്‍ തുറന്ന വേളകള്‍' എന്നുതുടങ്ങുന്ന പ്രണയഗാനമാണ് ഷാന്‍ ജോണ്‍സണ്‍ ഒടുവിലായി സംഗീത സംവിധാനം നിര്‍വഹിച്ചത്. ജോണ്‍സന്റെ സംഗീതസംവിധാനത്തെ ഓര്‍മ്മിക്കുന്നതുപോലെ ഒരൊന്നാന്തരം മെലഡിയാണ് ഷാന്‍ ഒടുവില്‍ ഒരുക്കിയത്. മരണത്തിന് ഏതാനും ദിവസങ്ങള്‍ക്ക് മുമ്പാണ് ഷാന്‍ പ്രണയഗാനം സംവിധാനം ചെയ്തത്. ജി. വേണുഗോപാലും സുജാതയും ചേര്‍ന്നാണ് ആലപിച്ചത്.
തന്നെക്കാള്‍ അറിവുള്ള കാലത്ത് സംഗീത ലോകത്തെത്തിയാല്‍ മതിയെന്നാണ് ഷാന്‍ ജോണ്‍സനെ സംഗീതസംവിധായകന്‍ ജോണ്‍സന്‍ ഉപദേശിച്ചിരുന്നത്. അവസാനഗാനം അച്ഛനെപോലെ മെലഡിയാക്കുകയായിരുന്നു ഷാന്‍. മരണത്തിന് മണിക്കൂറുകള്‍ക്കു മുന്‍പ് ഷാന്‍ അമ്മയെ തന്റെ അവസാനഗാനം പാടി കേള്‍പ്പിച്ചിരുന്നു.
അമ്മ കഴിഞ്ഞാല്‍ പിന്നെയാരെയാണ് പാട്ട് കേള്‍പ്പിക്കേണ്ടത്. സംശയമെന്ത്? അച്ഛനെ അപ്പോള്‍ അച്ഛനെ പാടി കേള്‍പ്പിക്കാനാണോ ഷാന്‍ പറന്നകന്നത്. അങ്ങനെയൊരു സംശയം തോന്നിയാല്‍ അത്ഭുതം വേണ്ട. ആത്മഹത്യകള്‍ക്ക് കാരണം പ്രണയവും പ്രയാസവും മാത്രമല്ല. ഒരാളെ കാണണമെന്ന തീവ്രമായ ആഗ്രഹം കൂടിയാവാം.  

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha