നക്ഷത്രക്രിക്കറ്റ് മത്സരവുമായി ബന്ധപ്പെട്ട് തമിഴ് സിനിമാവേദിയില്‍ സൂപ്പര്‍താരം അജിത്തും വിശാലും തമ്മിലുള്ള പോര് രൂക്ഷമാകുന്നതായി റിപ്പോര്‍ട്ട്. കളി കഴിഞ്ഞ് താരങ്ങള്‍ക്ക് വേണ്ടി നടത്തിയ പാര്‍ട്ടിയില്‍ ഡാന്‍സ് ജോക്കിയോട് അജിത്തിന്റെ പാട്ട് നിര്‍ത്താന്‍ വിശാല്‍ ആവശ്യപ്പെട്ടതാണ് ഇക്കാര്യത്തിലെ ഏറ്റവും പുതിയ സംഭവം.
നടികര്‍ സംഘത്തിന് കെട്ടിടം പണിയുന്നതുമായി ബന്ധപ്പെട്ട് നക്ഷത്തിര ക്രിക്കറ്റ് മാച്ച് എന്ന പേരില്‍ നടികര്‍ സംഘം നടത്തിയ പരിപാടിയില്‍ ഡല്‍ഹിയിലെ കടുത്ത ചൂട് അവഗണിച്ച് തിരക്ക് പിടിച്ച് നടക്കുന്ന ഷൂട്ടിംഗ് സെറ്റില്‍ നിന്നും സൂപ്പര്‍താരം രജനീകാന്ത് പോലും കളിക്കാനെത്തിയിരുന്നു. കളി കഴിഞ്ഞ് ചെന്നെയിലെ പോപ്പുലര്‍ ഹോട്ടലില്‍ നടത്തിയ പാര്‍ട്ടിയില്‍ നടന്മാരെല്ലാം ഉത്സവ മൂഡിലായിരുന്നു. ചിലര്‍ക്ക് ഡാന്‍സ് കളിക്കണമെന്ന് പോലും തോന്നി. ഇത് ലക്ഷ്യം വെച്ച് ഡാന്‍സ് ജോക്കി തമിഴില്‍ അടുത്തകാലത്ത് പോപ്പുലറായ ഡപ്പാംകൂത്ത് പാട്ടുകളെല്ലാം വെച്ചുകൊടുത്തു. ഇതിനിടയില്‍ അജിത്തിന്റെ സിനിമയായ യെന്നൈ അറിന്താലിലെ ആധാരു ആധാരു എന്ന ഗാനം വന്നപ്പോള്‍ വിശാലും വില്ലന്‍ നടന്‍ സൗന്ദര്യരാജനും ആ പാട്ട് നിര്‍ത്താന്‍ കര്‍ശനമായി നിര്‍ദേശിച്ചെന്നാണ് വിവരം. വിശാല്‍ ആവര്‍ത്തിച്ച് പറഞ്ഞതോടെ ഡിജെയ്ക്ക് ഇംഗഌഷ് പാട്ടു വെയ്‌ക്കേണ്ടി വന്നു.
താരസംഘടനയ്ക്ക് കെട്ടിടം പണിയുന്നതിനായി പൊതുജനങ്ങളില്‍ നിന്നും പണം ശേഖരിക്കുന്ന പരിപാടിയോട് അജിത്തിന് ഒട്ടും താല്‍പ്പര്യമില്ലായിരുന്നെന്നും. ഇതിനായി താരങ്ങളില്‍ നിന്നു തന്നെ സംഭാവന സ്വീകരിക്കുന്നതാണ് നല്ലതെന്നുമാണ് അജിത്തിന് നിലപാടെന്നും റിപ്പോര്‍ട്ടുകള്‍ വന്നിരുന്നു. എന്നാല്‍ അജിത്ത് ഇങ്ങിനെ പറഞ്ഞിട്ടേയില്ലെന്നും അദ്ദേഹവുമായി ബന്ധപ്പെട്ട വൃത്തങ്ങള്‍ പറയുന്നുണ്ട്. അതേസമയം ടെലിവിഷന്‍ അഭിമുഖങ്ങളില്‍ ഉള്‍പ്പെടെ നാഴികയ്ക്ക് നാല്‍പ്പതുവട്ടം അജിത്താണ് തങ്ങളുടെ പ്രിയ താരമെന്ന് പറഞ്ഞിരുന്ന അനേകം താരങ്ങളില്‍ ഒരാള്‍പോലും വിശാലിനെ എതിര്‍ക്കാന്‍ വന്നില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha