നടനും നിര്‍മ്മാതാവുമായ അജയ്കൃഷ്ണന്‍ എന്തിനാണ് ആത്മഹത്യ ചെയ്തത്? സാമ്പത്തിക പ്രതിസന്ധിയാണ് കാരണമെന്നറിയുന്നു. ഗള്‍ഫില്‍ എച്ച്.ആര്‍.ഡി. വിഭാഗത്തില്‍ ജോലി ചെയ്യുന്ന ചെറുപ്പക്കാരനാണ് അജയ്കൃഷ്ണന്‍. പഠിക്കുന്ന കാലം മുതല്‍ സിനിമയില്‍ ഭ്രാന്തായിരുന്നു. തിരുവനന്തപുരത്തെ എം.ജി. കോളേജ് ഓഫ് എഞ്ചിനീയറിംഗില്‍ നിന്നാണ് അജയ് എഞ്ചിനീയറിംഗ് ബിരുദം നേടിയത്.
ആസിഫ് അലിയെ നായകനാക്കി 'അവരുടെ രാവുകള്‍' നിര്‍മ്മിക്കാന്‍ തീരുമാനിച്ചപ്പോള്‍ പറയത്തക്ക സാമ്പത്തികഭദ്രതയൊന്നും അജയ്ക്കുണ്ടായിരുന്നില്ല. എന്നാല്‍ 'അവളുടെ രാവുകള്‍' പോലെ തന്റെ സിനിമയും കത്തികയറുമെന്ന് അജയ് വിശ്വസിച്ചു. മികച്ച ചിത്രത്തിന്റെ അണിയറ പ്രവര്‍ത്തകനാകാന്‍ ലഭിക്കുന്ന അവസരം അസുലഭമാണെന്നും അജയ്കൃഷ്ണന്‍ കരുതി.
സാമ്പത്തിക നേട്ടം തന്നെയായിരുന്നു നിര്‍മ്മാതാവിന്റെ മുഖ്യലക്ഷ്യമായിരുന്നെങ്കിലും കലാപരമായ മികവിന് അദ്ദേഹം പ്രാധാന്യം നല്‍കിയിരുന്നു. അതുകൊണ്ടു തന്നെ നിര്‍മ്മാണചെലവ് വല്ലാതെ വര്‍ധിക്കുകയും ചെയ്തു. കൂടാതെ ചിത്രത്തിന്റെ പ്രിവ്യു കണ്ടതോടെ കലാപരമായി മൂല്യമില്ലെന്നതും അദ്ദേഹത്തെ പ്രതിസന്ധിയിലാക്കി എന്നറിയുന്നു. ആരൊക്കയോ അദ്ദേഹത്തെ ചതിച്ചതായും പറയപ്പെടുന്നു. അതും പോലീസ് അന്വേഷിക്കണം.ഉണ്ണിമുകുന്ദന്‍, ഹണിറോസ് എന്നിവരും ചിത്രത്തില്‍ മുഖ്യവേഷത്തില്‍ അഭിനയിക്കുന്നുണ്ട്. സീന്‍ ഒന്ന് നമ്മുടെ പാട്ട് എന്ന സിനിമയിലും ചില സീരിയലുകളിലും അജയ് അഭിനയിച്ചിട്ടുണ്ട്. എന്നാല്‍ അഭിനേതാവെന്ന നിലയില്‍ നേട്ടമുണ്ടാക്കാന്‍ അദ്ദേഹത്തിന് കഴിഞ്ഞില്ല.
ചിത്രത്തിന്റെ പോസ്റ്റ് പ്രൊഡക്ഷന്‍ നടക്കുന്നതിനിടയില്‍ ശനിയാഴ്ച വൈകിട്ടാണ് അജയ് അദ്ദേഹത്തിന്റെ വീട്ടിലെത്തിയത്. പിന്നീട് തൂങ്ങിമരിച്ച നിലയില്‍ കാണുകയായിരുന്നു. അജയ്ക്ക് സാമ്പത്തിക പ്രതിസന്ധിയില്ലെന്നാണ് പറയപ്പെടുന്നത്. വീട്ടില്‍ ആ സമയം അച്ഛനും അമ്മയും ഉണ്ടായിരുന്നു.ചിത്രം റിലീസ് ചെയ്യാന്‍ കഴിയുമോ എന്ന പരിഭ്രമം അജയ്ക്കുണ്ടായിരുന്നതായി പറയപ്പെടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha