ഇന്റര്‍നെറ്റില്‍ വ്യാജ പതിപ്പിറങ്ങിയിട്ടും രഞ്ജിത്തിന്റെ ലീലയ്ക്ക് തിയേറ്ററില്‍ നിന്ന് ഒരു കോടിയോളം രൂപ ലാഭം കിട്ടി. സാറ്റലൈറ്റും ഓവര്‍സീസും ഉള്‍പ്പെടെയുള്ള എല്ലാ ബിസിനസും നടത്തിയ ലാഭം ഉറപ്പാക്കിയ ശേഷമാണ് നിര്‍മാതാവ് കൂടിയായ രഞ്ജിത് ചിത്രം തിയേറ്ററുകളിലെത്തിയച്ചത്. വിദേശത്ത് ഇന്റര്‍നെറ്റ് വഴി സിനിമ പ്രദര്‍ശിപ്പിച്ചതാണ് വ്യാജന്‍ ഇറങ്ങാന്‍ ഇടയാക്കിയത്.  നിര്‍മാതാക്കളുടെ സമരം അവഗണിച്ച് ഷൂട്ടിംഗ് നടത്തിയതിന്റെ എതിര്‍പ്പും ചിത്രത്തിനുണ്ടായിരുന്നു. അതിനെയൊക്കെ അവഗണിച്ചാണ് ചിത്രം തിയേറ്ററിലെത്തിയത്.

തിരുവനന്തപുരം കൈരളിയില്‍ മാത്രം നിര്‍മാതാവിന്റെ ഷെയര്‍ എട്ട് ലക്ഷം രൂപയാണ്. അങ്ങനെ നോക്കുമ്പോള്‍ പ്രധാനപ്പെട്ട അഞ്ച് സെന്ററുകളില്‍ നിന്ന് മാത്രം 40 ലക്ഷത്തിലധികം രൂപ ഷെയര്‍ നിര്‍മാതാവിന് ലഭിച്ചു. മൊത്തം 60 തിയറ്ററുകളിലായിരുന്നു റിലീസ്. അങ്ങനെ കണക്ക് പരിശോധിച്ചപ്പോഴാണ് ഒരു കോടിയിലധികം രൂപ നിര്‍മാതാവിന്റെ ഷെയറായി ലഭിച്ചത്. ഒരു മാസം കൊണ്ടാണ് ചിത്രം പൂര്‍ത്തിയാക്കിയത്. ഏകദേശം മൂന്ന് കോടിയോളമാണ് ചിത്രത്തിന്റെ മുതല്‍ മുടക്ക്. ബിജുമേനോന് ഇപ്പോള്‍ നല്ല സാറ്റലൈറ്റ് അവകാശം കിട്ടുന്നത് കൊണ്ട് ഏഷ്യാനെറ്റിന് മൂന്ന് കോടിയിലധികം രൂപയ്ക്കാണ് ചിത്രം വിറ്റത്. പിന്നെ ഇന്ത്യന്‍ വീഡിയോ ഇനത്തില്‍ അരക്കോടിയോളം രൂപ ലഭിച്ചിട്ടുണ്ട്. 

വിദേശത്ത് ഇന്റെര്‍നെറ്റിലൂടെ ചിത്രം പ്രദര്‍ശിപ്പിക്കാന്‍ റീല്‍ മീഡിയയില്‍ നിന്ന് നല്ലൊരു തുക വാങ്ങിയിരുന്നു. അത് സംബന്ധിച്ച കണക്കുകള്‍ വ്യക്തമല്ല. ആദ്യ ദിവസം അയ്യായിരത്തോളം പേരാണ് ഇന്റര്‍നെറ്റിലൂടെ സിനിമ കണ്ടത്. ഒരു ടിക്കറ്റിന് 500 രൂപയായിരുന്നു ചാര്‍ജ്. അങ്ങനെ തന്നെ അരക്കോടി രൂപ കളക്ഷന്‍ ലഭിച്ചു. വിദേശങ്ങളില്‍ പ്രദര്‍ശിപ്പിച്ചതിന്റെ കമ്മീഷന്‍ തുകയും നിര്‍മാതാവിന് ലഭിക്കും. ബിജുമേനോന് പുറമേ വിജയരാഘവന്‍, ഇന്ദ്രന്‍സ്, ജഗദീഷ് തുടങ്ങിയവരാണ് ചിത്രത്തിലുള്ളത്. അവര്‍ക്കൊക്കെ താരതമ്യേന വലിയ പ്രതിഫലവും നല്‍കേണ്ട. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha