സത്യം, വെള്ളിനക്ഷത്രം എന്നീ ചിത്രങ്ങളിലൂടെ മലയാളികളുടെ മനസ്സില്‍ ഇടം നേടിയ ബേബി തരുണി ഓര്‍മയായിട്ട് നാല് വര്‍ഷം. പരസ്യ ചിത്രങ്ങളിലൂടെയും സിനിമയിലൂടെയും ഇന്ത്യയൊട്ടാകെ ആരാധകരെ തീര്‍ത്ത തരുണി സച്‌ദേവ് മലയാളികള്‍ക്ക് പരിചയപ്പെടുത്തിയത് വിനയനാണ്. 14ാം വയസ്സില്‍ വിമാനപകടത്തില്‍ മരണപ്പെട്ട തരുണിയുടെ ഓര്‍മകള്‍ ഫെയ്‌സ്ബുക്കിലൂടെ വിനയന്‍ പങ്കുവെച്ചു.

ഫേസ്ബുക്കിന്റെ പൂര്‍ണരൂപം

രാവിലേ ചൂടേറിയ ഇലക്ഷന്‍ വാര്‍ത്തകള്‍ പരതുന്നതിനിടയില്‍ ഈ ഫോട്ടോ കണ്ടപ്പോള്‍ മനസ്സു പിടഞ്ഞുപോയി........ തരുണിയുടെ ഓര്‍മ്മയ്കായി രണ്ടു വാക്ക് എഴുതണ മെന്നു തോന്നി...

ഞാന്‍ എഴുതി സംവിധാനം ചെയ്ത 'സതൃം' 'വെള്ളിനക്ഷത്രം' എന്നീചിത്രങ്ങളിലൂ ടെ മലയാളികളുടെ മനസ്സില്‍ വാല്‍സലൃം നിറഞ്ഞ പൊന്നോമനയായി മാറിയ ബേബി തരുണി മരിച്ചിട്ട് നാലു വര്‍ഷം തികയുന്നു..

ഈശ്വരനേ വളരെയേറെനാള്‍ ഭജിച്ചതുകൊണ്ടു മാത്രം തനിക്കു ലഭിച്ച കുട്ടിയാണ് തരുണി എന്നു വിശ്വസിച്ചിരുന്ന അവളുടെ അമ്മ അവള്‍ക്കു 14 വയസ്സു തികയുന്ന അതേ ജന്‍മനാളില്‍ അതേ ഈശ്വരനേക്കാണാന്‍ യാത്ര തിരിച്ചതാണ് ... പക്ഷേ മരണത്തിലേക്കായിരുന്നു ആ യാത്ര അമ്മയേം മകളേം ഒരുമിച്ച് അന്നു കൂട്ടിക്കൊണ്ടു പോയ ത് ...ഈശ്വരന് ഇത്ര കണ്ണിച്ചോരയില്ലേ?... എന്നു നമൂക്ക് ചിലപ്പോള്‍ തോന്നിപ്പോകും..

അന്‍ചോ ആറോ വയസ്സുള്ളപ്പോള്‍ എന്റെ സിനിമകളില്‍ അഭിനയിച്ച ആ കൊച്ചു കുട്ടി അതിനുശേഷം പരസ്യചിത്രങ്ങളിലഭിനയിക്കാനായി മുംബൈയില്‍ നിന്നും ഇവിടെ വരുമ്പോളൊക്കെ എന്നേ വിളിക്കുമായിരുന്നു.. മുതിര്‍ന്നവരേക്കാളേറെ നിഷ്‌കളന്‍കമായ സ്‌നേഹവും ആത്മാര്‍ദ്ധതയുമൊക്കെ മനസ്സില്‍ സൂക്ഷിക്കുകയും സ്മരിക്കുകയും ചെയ്തിരുന്ന തരുണി അതുല്യമായ അഭിനയശേഷി കൈവരിച്ച ഒരല്‍ഭുത ശിശുതന്നെയായിരുന്നു...

ആകുഞ്ഞുമനസ്സിന്റെ ഓര്‍മ്മയ്കുമുന്നില്‍... ആദരാന്‍ജലികള്‍....

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha