കലാഭവന് മണിയുടെ ചിത്രം 'പോയ് മറഞ്ഞു പറയാതെ' പ്രദര്ശിപ്പിക്കാന് തിയറ്ററുകള് തയാറാകുന്നില്ലെന്നു പരാതി
അന്തരിച്ച നടന് കലാഭവന് മണിയോടും അദ്ദേഹത്തിന്റെ ചിത്രങ്ങളോടുമുള്ള അവഗണന ഇപ്പോഴും തുടരുന്നെന്ന് കലാഭവന് മണി സേവനസമിതി ഭാരവാഹികള്. കലാഭവന് മണി അവസാനമായി അഭിനയിച്ചു ചിത്രീകരണം പൂര്ത്തിയാക്കിയ പോയ് മറഞ്ഞു പറയാതെ എന്ന ചിത്രമാണ് പുതുതായി തിയേറ്ററുകളിലെത്തിയത്. സിനിമയുടെ അണിയറക്കാരാണ് ആരോപണമുന്നയിച്ചിരിക്കുന്നത്. ചേലാട്ട് ക്രിയേഷന്സിന്റെ ബാനറില് സൂരജ് എസ്. മേനോന് നിര്മിച്ച ചിത്രം മാര്ട്ടിന് സി. ജോസഫ് ആണ് സംവിധാനം ചെയ്തിട്ടുള്ളത്. മണി എന്ന കലാകാരന് ജീവിച്ചിരിക്കുമ്ബോള് തന്നെ സിനിമയ്ക്കുള്ളില് അദ്ദേഹത്തിനെതിരേ കടുത്ത അവഗണന നിലനിന്നിരുന്നു.
പോയ് മറഞ്ഞു പറയാതെ എന്ന ചിത്രവും ആ അവഗണനയുടെ ഇരയാവുകയാണെന്നും ചിത്രം ഒരു ദിവസം മാത്രം തിയറ്ററുകളില് പ്രദര്ശിപ്പിച്ചത് ഇതിനു തെളിവാണെന്നും ഭാരവാഹികള് പറഞ്ഞു. ചിത്രത്തില്നിന്നു ലഭിക്കുന്ന തുകയില്നിന്ന് ഒരു വിഹിതം കേരള കലാഭവന് മണി സേവനസമിതി ചാരിറ്റബിള് സൊസൈറ്റിയുടെ പ്രവര്ത്തനങ്ങള്ക്ക് വിനിയോഗിക്കാനാണു നിര്മാതാവും സംഘടനാ പ്രവര്ത്തകരും തീരുമാനിച്ചത്. തടസങ്ങള് പലതും നേരിട്ട് ജൂണ് രണ്ടിന് ചിത്രം റിലീസ് ചെയ്തെങ്കിലും പ്രാധാന സ്റ്റേഷനുകള് പലതും ഒഴിവാക്കിയാണ് റിലീസ് നടന്നത്. റിലീസിന് തലേ രാത്രി വരേയും റിലീസ് ചെയ്യുന്ന കേന്ദ്രങ്ങളുടെ പട്ടിക പോലും വിതരണക്കമ്ബനി നല്കിയില്ള.
തിയേറ്ററുകളില് പോസ്റ്ററുകള് ഒട്ടിക്കാന് തയാറായില്ളെന്നും പരാതിയുണ്ട്. ചിത്രത്തിന്റെ പോസ്റ്ററുകള് സീലു ചെയ്യാനും ഒട്ടിക്കാനും വേണ്ടി എക്സിബിറ്റേഴ്സ് അസോസിയേഷന് വാങ്ങിയ ഫീസ് അതു ചെയ്യാതെ വേറെ എന്തിനുപയോഗിച്ചെന്ന് വെളിപ്പെടുത്തണമെന്നും സേവാസമിതി ഭാരവാഹികള് ആവശ്യപ്പെട്ടു. കലാഭവന് മണി സേവന സമിതി സ്ഥാപക പ്രസിഡന്റ് അജില് മണിമുത്ത്, സംസ്ഥാന ഭാരവാഹി അര്ച്ചന ആലപ്പുഴ, സിനിമയുടെ നിര്മാതാക്കളായ ചേലോട്ട് സുകുമാരന് മേനോന്, സൂരജ്. എസ്. മേനോന്, കലാഭവന് സ്മാരക സമിതി ചെയര്മാനും എഴുത്തുകാരനുമായ സലീം ഇന്ത്യ എന്നിവര് പത്രസമ്മേളനത്തില് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
