മമ്മൂട്ടിയുടെ അഭിനയപാടവവും അനുഭവസമ്പത്തും പേരന്പിന് ഏറെ കരുത്ത് പകര്ന്നെന്ന് റാം പറയുന്നു, എഴുതിയ തിരക്കഥയില് മാറ്റംവരുത്തിയെന്നും സംവിധായകന്
മമ്മൂട്ടിയുടെ അഭിനയമികവിനെ കുറിച്ച് പലരും വാചാലരായിട്ടുണ്ട്.അതില് നിന്നൊക്കെ വ്യത്യസ്തമായ കാഴ്ചപ്പാടാണ് പേരന്പിന്റെ സംവിധായകന് റാം പറയുന്നത്. ബാലുമഹേന്ദ്രയുടെ അസോസിയേറ്റായിരുന്നു റാം. മമ്മൂട്ടിയുടെ അഭിനയപാടവവും അനുഭവസമ്പത്തും പേരന്പിന് ഏറെ കരുത്ത് പകര്ന്നെന്ന് റാം വ്യക്തമാക്കുന്നു. എഴുതിയ തിരക്കഥയില് മാറ്റംവരുത്തി. ക്യാമറയ്ക്ക് മുന്നില് അഭിനയിച്ച് തുടങ്ങിയതോടെ ആറിടത്ത് സംഭാഷണങ്ങള് ഒഴിവാക്കി. സംഭാഷണങ്ങള് ഇല്ലാതെ, ഭാവപ്രകടനങ്ങളിലൂടെ അദ്ദേഹം കാര്യങ്ങള് പ്രേക്ഷകര്ക്ക് മുന്നിലെത്തിക്കുന്നുണ്ട്. അതുറപ്പായപ്പോള് സംഭാഷണങ്ങള് വെട്ടിമാറ്റുകയായിരുന്നു.
മുന്നൂറ്റമ്പതോളം സിനിമകളില് അഭിനയിച്ചയാളുടെ കരുത്ത് പേരന്പിന് ഒരുപാട് ഗുണം ചെയ്തു. മൂന്ന് പതിറ്റാണ്ടിലധികം ക്യാറയ്ക്ക് മുന്നില് തിളങ്ങിയത് കൊണ്ട് ഒരു സീന് പറഞ്ഞ്കൊടുക്കുമ്പോള് തന്നെ അതിന് മുമ്പിലും പുറകിലുമുള്ള സംഭവങ്ങള് മനസിലാക്കിയിരിക്കും. അത് സംവിധായകനെ സംബന്ധിച്ച് വലിയ അനുഗ്രഹമായിരിക്കും. മാത്രമല്ല മറ്റ് സംവിധായകര് സീനുകള് എങ്ങനെയായിരിക്കും ചിത്രീകരിക്കുന്നതെന്ന് അദ്ദേഹം വിശദീകരിക്കും. ഞാന് ചെയ്ത രംഗം എം.ടി സാര് ചെയ്താല് എങ്ങനെയായിരിക്കുമെന്ന് പറഞ്ഞ്തരും. അടൂര് ഗോപാലകൃഷ്ണന് ക്യാമറ എങ്ങനെ വയ്ക്കും ഭരതന്റെ രീതി എങ്ങനെയായിരിക്കും എന്നൊക്കെ വാചാലനാകും.
നീണ്ട ഇടവേളയ്ക്ക് ശേഷമാണ് മമ്മൂട്ടി തമിഴില് അഭിനയിച്ചത്. തമിഴിലും മലയാളത്തിലും സിനിമ റിലീസ് ചെയ്യും. മമ്മൂട്ടിയുടെ പുതിയ സിനിമയായ അബ്രഹാമിന്റെ സന്തതികളുടെ പൂജയ്ക്കായി കൊച്ചിയിലെത്തിയതായിരുന്നു റാം. പേരന്പിന്റെ റിലീസിങുമായി ബന്ധപ്പെട്ട കാര്യങ്ങള് ചര്ച്ച ചെയ്യുന്നതിനും മമ്മൂട്ടിയുടെ മലയാളം ഡബ്ബിംഗ് ഉള്പ്പെടെയുള്ള കാര്യങ്ങള് പൂര്ത്തിയാക്കുന്നതിനാണ് റാം കൊച്ചിയിലെത്തിയത്. അഞ്ജലി നായികയാകുന്ന ചിത്രത്തില് അച്ഛനും മകളും തമ്മിലുള്ള ആത്മബന്ധത്തിന്റെ കഥയാണ് പറയുന്നു.
https://www.facebook.com/Malayalivartha
