ആ പ്രണയം പൊളിഞ്ഞെങ്കിലും അത് മാത്രം മാഞ്ഞുപോയില്ല
വെള്ളിത്തിരയില് നിറഞ്ഞു നില്ക്കുന്ന താരറാണിയാണ് നയന്താര. നടനും സംവിധായകനുമായ പ്രഭുദേവയുമായുള്ള പ്രണയകാലത്ത് നയന്സ് തന്റെ ഇടം കൈയില് പ്രഭു എന്ന് ഇംഗ്ലീഷിലും തമിഴിലുമായി ടാറ്റു കൊത്തിയിരുന്നു. ആ പ്രണയം പൊട്ടിയപ്പോള് പച്ചകുത്തിയതു മാത്രം മാഞ്ഞില്ല. വലിയ വളയണിഞ്ഞും ഷാളുകൊണ്ട് കൈ മറച്ചുമാണ് താരം പിന്നീട് രംഗത്തെത്തിയത്.
എന്നാല്, ഇപ്പോള് തന്റെ ടാറ്റുവിന് പുതിയ രൂപം നല്കിയിരിക്കുകയാണ് താരം. പ്രഭുവിലെ ആദ്യ അക്ഷരമായ 'പി' നിലനിറുത്തിക്കൊണ്ടു തന്നെ വാക്കുകള്ക്ക് ചെറിയ മാറ്റം വരുത്തി. നയന്സിന്റെ കൈയില് ശ്രദ്ധിച്ചു നോക്കിയാല് മനസിലാകും ആ വാക്ക് ഇപ്പോള് 'പോസിറ്റിവിറ്റി' എന്നായി. തന്റെ പുതിയ റിലീസായ കോലമാവ് കോകിലയില് വളയിട്ട് കൈമറയ്ക്കാതെ താരം ധൈര്യമായി പ്രത്യക്ഷപ്പെട്ടതും ഈ 'പോസിറ്റിവിറ്റി' കൊണ്ടു തന്നെയാണ്.
മുറ്റത്തിടുന്ന കോലമാവില് വരെ മയക്കുമരുന്ന് കടത്തുന്ന ക്യാരിയര് ഗേളായി നയന്സ് എത്തുന്ന ചിത്രമാണ് കോലമാവ് കോകില. ചിത്രത്തിന്റെ ട്രെയിലര് കഴിഞ്ഞ ദിവസം പുറത്തിറങ്ങി. ആക്ഷനു പ്രാധാന്യമുള്ള ചിത്രമാണിതെന്ന് ട്രെയിലര് സൂചിപ്പിക്കുന്നു. മാഫിയാ പ്രവര്ത്തനങ്ങളുമായി ബന്ധമുള്ള ഒരു കഥാപാത്രത്തെ നയന്താര അവതരിപ്പിക്കുന്നത് ഇതാദ്യമായാണ്.
ഇന്നലെ റിലീസ് ചെയ്ത ട്രെയിലറിന് ഇതിനോടകം തന്നെ വലിയ പ്രതികരണങ്ങളാണ് ലഭിച്ചിരിക്കുന്നത്. യോഗി ബാബു, ശരണ്യ പൊന്വണ്ണന്, ഹരീഷ് പേരടി, അരന്താങ്കി നിഷ, ജാക്വിലിന് എന്നിവര് മറ്റു പ്രധാന കഥാപാത്രങ്ങളെ അവതരിപ്പിക്കുന്ന ചിത്രം ഒരുക്കിയത് ദിലീപ് കുമാറാണ്. ലൈക പ്രൊഡക്ഷന്സിന്റെ ബാനറില് ചിത്രം നിര്മ്മിക്കുന്നത് അല്ലിരാജ സുബസ്കാരന്. ആക്ഷനും ഹൊററിനും പ്രാധാന്യം നല്കുന്ന ചിത്രത്തിന് സംഗീതം ഒരുക്കിയത് അനിരുദ്ധ് രവിചന്ദര്.
https://www.facebook.com/Malayalivartha