മൈസ്റ്റോറി സംവിധായികയുടെ പരാമര്ശത്തില് പ്രതികരണവുമായി നടി മാല പാര്വതി
പൃഥ്വിരാജ് പാര്വതി അഭിനയ കൂട്ടുകെട്ടില് പിറക്കുന്ന ചിത്രം എന്ന നിലയില് സിനിമ ആരാധകര് ഒന്നടങ്കം ഉറ്റുനോക്കിയ ചിത്രമായിരുന്നു 'മൈസ്റ്റോറി'. പക്ഷേ ആരാധകരുടെ പ്രതീക്ഷയ്ക്കൊത്തു ഉയരാന് ചിത്രത്തിന് കഴിഞ്ഞില്ലായെന്നാണ് സിനിമാലോകത്തിന്റെ സംസാരം. എന്നാല് മൈസ്റ്റോറിയുടെ പരാജയം പാര്വതി കാരണമാണെന്ന രീതിയില് സംവിധായക പ്രതികരിച്ചതിനെതിരെ നടി മാല പാര്വതി രംഗത്ത്.
ചിത്രത്തില് പൃഥ്വിരാജ് ചെയ്യുന്ന കഥാപാത്രത്തിന്റെ അമ്മ വേഷത്തില് എത്തുന്നത് മാലാ പാര്വതിയാണ്. കൂടെ എന്ന അഞ്ജലി മേനോന് ചിത്രത്തിലാണ് പാര്വതി ഇപ്പോള് വര്ക്ക് ചെയ്യുന്നത്. മലയാളികള് ഏറെ പ്രതീക്ഷയില് കാത്തിരിക്കുന്ന ചിത്രമാണ് കൂടെ. അവരുടെ സിനിമ വിജയിക്കാന് എന്റെ സഹായം ആവശ്യമില്ല എന്നും നടി പറയുന്നു. കുറച്ച് ദിവസങ്ങള്ക്ക് മുന്പ് കൂടെയിലെ ഒരു ഗാനം പുറത്തിറങ്ങിയപ്പോള് മമ്മൂട്ടിയുടെ ശ്രദ്ധ ക്ഷണിച്ച് മാലാ പാര്വതി ഒരു പോസ്റ്റ് ഇട്ടിരുന്നു. ഇതിനെതിരെ പ്രതികരിച്ച് ചിലര് വന്നതിന് പിന്നാലെയാണ് മാലാ പാര്വതിയുടെ ഈ പ്രതികരണം.
പോസ്റ്റിന്റെ പൂര്ണരൂപം .....
'കൂടെ എന്ന ചിത്രം അഞ്ജലി മേനോന്റെ ആണ്. അവരുടെ സിനിമ വിജയിക്കാന് എന്റെ സഹായം ആവശ്യമില്ല. മൈസ്റ്റോറിയുടെ സംവിധായിക ആ ചിത്രത്തിന്റെ പരാജയം പാര്വ്വതിയുടെ തലയില് വെച്ച് കെട്ടുന്നു. അവര്ക്കെതിരെ നടക്കുന്ന ഹേറ്റ് ക്യാമ്ബയിന് കാരണമായി ചൂണ്ടി കാട്ടുന്നു. അതിന്റെ തുടര്ച്ച പോലെ ഇത് വരുന്നത് ആ വാദത്തിന്റെ ശക്തി കൂട്ടും. ആ സിനിമ ഇത്രയെങ്കിലും ഓടിയത് പാര്വതി കാരണമാണ്. അമ്മ എന്ന സംഘടന ഈ വിഷയം ചര്ച്ച ചെയ്തില്ല. ചെയ്ത വിഷയത്തിലെ അഭിപ്രായം ഞാന് ഇന്നലെയും കൂടി റിപ്പോര്ട്ടറില് പറത്തു. പുച്ഛത്തിന് നന്ദി. അത് കൊണ്ടാണ് ഇത്രയും എഴുതാന് പറ്റിയത്'.
https://www.facebook.com/Malayalivartha