ആ ചോദ്യത്തിന് മുന്നില് വിങ്ങിപ്പൊട്ടി സണ്ണിലിയോണ്
ബോളിവുഡ് നടി സണ്ണി ലിയോണിന്റെ കരണ്ജീത് കൗര് സീരിയലിന്റെ പ്രമോഷനുമായി ബന്ധപ്പെട്ട് നടത്തിയ പത്രസമ്മേളനത്തില് വിങ്ങിപ്പൊട്ടി സണ്ണിലിയോണ്. പത്രസമ്മേളനത്തില് സണ്ണി നേരിട്ട ചോദ്യങ്ങള്ക്ക് മറുപടി പറഞ്ഞുകൊണ്ടാണ് താരം വിങ്ങിപ്പൊട്ടിയത്. പോണ് ഇന്ഡസ്ട്രിയില് സ്വന്തം ഇഷ്ടപ്രകാരം എത്തിയതാണോ എന്നും ഇങ്ങനെയൊരു പരമ്പര ചെയ്യുന്നതില് ഒട്ടും വിഷമമില്ലെ എന്നൊക്കെയായിരുന്നു ഇവരുടെ ചോദ്യം.
എന്നാല് ഇതിനൊക്കെ കൃത്യമായി തന്നെ സണ്ണി ഉത്തരം പറഞ്ഞു. ഇടയ്ക്ക് സണ്ണിയുടെ കണ്ണുകള് നിറയുന്നുണ്ടായിരുന്നു. കാനഡയില് താമസമുറപ്പിച്ച ഇടത്തരം സിഖ് കുടുംബത്തിലെ കരണ്ജീത് കൗര് എന്ന പെണ്കുട്ടി സണ്ണി ലിയോണെന്ന അശ്ലീല ചിത്ര നായികയും പിന്നീട് ബോളിവുഡ് നടിയായും മാറുന്നതാണ് വെബ് സീരിസില് അവതരിപ്പിക്കുന്നത്. തന്റെ ജീവിത കഥ പറയുന്ന വെബ് പരമ്പരയില് സണ്ണി ലിയോണ് തന്നെയാണ് മുഖ്യ വേഷത്തിലെത്തുന്നത്.
റൈസയാണ് സണ്ണിയുടെ ചെറുപ്പകാലം അവതരിപ്പിക്കുന്നത്. സാധാരണ ഒരു ബയോപിക് അല്ലാതെ സണ്ണിയുടെ ചീത്തയും നല്ലതുമായ എല്ലാ നിമിഷങ്ങളും അതുപോലെ തന്നെ അവതരിപ്പിച്ചിരിക്കുന്നു എന്നതാണ് വെബ്സീരിസിന്റെ പ്രത്യേകത. സണ്ണി ലിയോണിന്റെ ആത്മകഥയെ ആധാരമാക്കി ആദിത്യ ദത്താണ് പരമ്പര സംവിധാനം ചെയ്യുന്നത്.
ജൂലൈ 16 നു സീ5 വെബ് സൈറ്റില് പരമ്പരയുടെ ആദ്യ ഭാഗം പ്രദര്ശനത്തിനെത്തും. രാജ് അര്ജുന്, കരംവീര് ലാംബ, ബിജയ് ജസ്ജിത്, ഗ്രൂഷ കപൂര് എന്നിവര് പരമ്പരയില് അഭിനയിക്കുന്നു.
https://www.facebook.com/Malayalivartha