ഇനിയും നോക്കി നില്ക്കാന് കഴിയില്ല... താരസംഘടനയായ അമ്മയിലെ പ്രശ്നങ്ങളെക്കുറിച്ച് സാംസ്ക്കാരിക മന്ത്രി എ.കെ.ബാലനുമായി മോഹന്ലാല് ചര്ച്ച നടത്തി; കൂടിക്കാഴ്ച നടത്തിയത് സിനിമയിലെ വനിതാ കൂട്ടായ്മയായ ഡബ്ല്യൂ.സി.സി പ്രതിനിധികളുമായി ചര്ച്ച നടത്തുന്നതിന്റെ മുന്നോടിയായി; വനിതാ കൂട്ടായ്മ ഉന്നയിച്ച പ്രശ്നങ്ങള്ക്ക് പരിഹാരം കാണണമെന്ന് മന്ത്രി
മലയാള സിനിമയിലെ താരസംഘടനയായ അമ്മയിലെ പ്രശ്നങ്ങളെക്കുറിച്ച് സാംസ്ക്കാരിക മന്ത്രി എ.കെ.ബാലനുമായി നടന് മോഹന്ലാല് ചര്ച്ച നടത്തി. തിരുവനന്തപുരത്ത് മന്ത്രിയുടെ ഔദ്യോഗിക വസതിയിലാണ് കൂടിക്കാഴ്ച നടന്നത്. സിനിമയിലെ വനിതാ കൂട്ടായ്മയായ ഡബ്ല്യൂ.സി.സി പ്രതിനിധികളുമായി ചര്ച്ച നടത്തുന്നതിന്റെ മുന്നോടിയായാണ് മന്ത്രിയുമായുള്ള കൂടിക്കാഴ്ചയെന്നാണ് വിവരം.
എന്നാല് അമ്മയിലെ പ്രശ്നങ്ങളില് സര്ക്കാര് ഇടപെടേണ്ട സാഹചര്യമില്ലെന്ന് മന്ത്രി ബാലന് മോഹന്ലാലുമായുള്ള കൂടിക്കാഴ്ചയ്ക്ക് ശേഷം പ്രതികരിച്ചു. അമ്മയിലെ പ്രശ്നങ്ങള് പരിഹരിക്കാന് മോഹന്ലാലിന് കഴിയുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്ത്തു.
നടിയെ ആക്രമിച്ച കേസില് വിചാരണ നേരിടുന്ന ദിലീപിനെ താരസംഘടനയിലേക്ക് തിരിച്ചെടുക്കാന് തീരുമാനിച്ച സാഹചര്യത്തില് വിമര്ശനങ്ങള് ഉയര്ന്ന് വന്നതോടെ വിശദീകരണവുമായി മോഹന്ലാല് രംഗത്തെത്തിയിരുന്നു. എന്നാല് ഇതിനെതിരെ സിനിമാ രംഗത്തു നിന്നടക്കം വന് വിമര്ശനമാണ് ഉയര്ന്നത്.
https://www.facebook.com/Malayalivartha
