രണ്ബീറിന്റെ സിനിമയില് ആലിയയുടെ പാട്ട്
ബോളിവുഡ് താരങ്ങളായ രണ്ബീറിന്റെയും ആലിയയുടെയും വിശേഷങ്ങളറിയാന് വലിയ താല്പര്യമാണ് സിനിമാപ്രേമികള്ക്ക്. ഇരുവരുടെയും പ്രണയവാര്ത്ത ആരാധകരിലും സിനിമാപ്രേമികളിലും ഒന്നടങ്കം ആഹ്ളാദമുണ്ടാക്കിയിരുന്നു. രണ്ബീര് കപൂര് തന്നെയായിരുന്നു ആലിയയുമായുളള പ്രണയത്തെക്കുറിച്ച് മാധ്യമങ്ങള് മുന്പില് മനസുതുറന്നിരുന്നത്.
ഇരുവരും ഒന്നിച്ചുളള ചിത്രങ്ങള്ക്കെല്ലാം തന്നെ മികച്ച സ്വീകാര്യത സമൂഹമാധ്യമങ്ങളില് ലഭിക്കാറുണ്ട്.അടുത്തിടെ രണ്ബീറിന്റെ ഫാമിലിക്കൊപ്പം ആലിയ സമയം ചെലവഴിച്ചതും മറ്റും സോഷ്യല് മീഡിയയില് വൈറലായി മാറിയിരുന്നു. കൂടാതെ ആലിയയെ കാണാനായി നടിയുടെ വീട്ടില് രണ്ബീര് എത്തിയതും വാര്ത്തകളില് ഇടം നേടിയിരുന്നു.
ഇപ്പോള് സോഷ്യല് മീഡിയയില് എറ്റവുമധികം ഷെയര് ചെയ്യപ്പെടുന്നത് രണ്ബീറിന്റെ സിനിമയിലെ ഒരു ഗാനം ആലിയ ആലപിക്കുന്നതാണ്. കരണ് ജോഹറിന്റെ സംവിധാനത്തില് രണ്ബീര് അഭിനയിച്ച ഹേ ദില് ഹെ മുശ്കില് എന്ന ചിത്രത്തിലെ ഗാനമാണ് ആലിയ ആലപിച്ചിരിക്കുന്നത്.
കരണ് ജോഹര്, അവതാരകന് മനീഷ് പോള് തുടങ്ങിയവര്ക്കൊപ്പമാണ് ആലിയ ഈ പാട്ട് പാടിയിരിക്കുന്നത്.
https://www.facebook.com/Malayalivartha