സിനിമയില് പെണ്കുട്ടികള് ദുര്ബലരാകാന് പാടില്ലെന്ന് അമല പോള്
സ്ത്രീകള്ക്കെതിരായ ആക്രമണങ്ങള് സിനിമാ രംഗത്ത് വര്ധിക്കുന്നെന്ന വാര്ത്തകളില് പ്രതികരിച്ച് നടി അമലാപോള് രംഗത്ത്. സിനിമാരംഗത്ത് സ്ത്രീകള്ക്ക് ചൂഷണം നേരിടേണ്ടി വരുന്നത് തക്ക സമയത്ത് പ്രതികരിക്കാനുള്ള മനോബലം ഇല്ലാത്തതു കൊണ്ടാണെന്ന് നടി പറയുന്നു.
'എന്റെ കാര്യത്തില് സിനിമയില് നിന്ന് മോശം അനുഭവങ്ങള് ഉണ്ടായിട്ടില്ല. സിനിമയിലല്ല ഏതു മേഖലയിലാണെങ്കിലും പെണ്കുട്ടികള് ദുര്ബലരായി പോയാല് പലതരം ചൂഷണങ്ങളെയും നേരിടേണ്ടി വരും. ശക്തമായ അഭിപ്രായങ്ങളും തീരുമാനങ്ങളും ഏതൊരു പെണ്കുട്ടിക്കും അത്യാവശ്യമാണ്.'
പിന്നെ ഗോസിപ്പുകളുടെ കാര്യം അവയെ ഈ ഫീല്ഡില് നിന്ന് മാറ്റിനിര്ത്താന് നമുക്ക് സാധിക്കില്ല. അവയെല്ലാം നമ്മുടെ ജോലിയുടെ ഭാഗമായി മാറിയിരിക്കുകയാണ്. തൊട്ടാവാടികള്ക്കും ദുര്ബല മനസ്കര്ക്കും പറഞ്ഞിട്ടുള്ളതല്ല സിനിമയെന്ന് ഞാന് പറഞ്ഞില്ലേ അതു തന്നെയാണ് കാരണം. വളരെ കൂളായി ഇതിനോടൊക്കെ പൊരുതി നില്ക്കണം. നാനയുമായുള്ള അഭിമുഖത്തില് നടി പറഞ്ഞു.
എന്തും തുറന്ന് പറയുന്നത് എന്റെ ശീലമാണ്. മനസ്സില് ഒന്ന് വെച്ചിട്ട് പുറമേ മറ്റൊന്ന് പെരുമാറാന് എനിക്ക് സാധിക്കില്ല. പക്ഷേ ഏതു ഗ്യാംഗിലെത്തിയാലും ഞാന് അവരുമായി പെട്ടെന്ന് കമ്ബനിയിലാകും. ഇന്ന് ഞാന് നേടിയതൊക്കെ ദൈവം തന്ന സമ്മാനമാണ് അമല പറഞ്ഞു.
https://www.facebook.com/Malayalivartha
