ഹനാൻ പറയുന്നത് സത്യമാണ്; ചമ്പക്കര മാര്ക്കറ്റില് വരാറുണ്ട്- നടന് മണികണ്ഠൻ
ഹനാന് പറയുന്നത് കള്ളമല്ലെന്നുള്ള തെളിവുമായി നടന് മണികണ്ഠൻ രംഗത്ത്. ഫേസ്ബുക്ക് പേജിലൂടെയാണ് മണികണ്ഠന് ഇക്കാര്യം അറിയിച്ചത്. ഹനാന് ചമ്പക്കര മാര്ക്കറ്റില് വരാറുണ്ടെന്നാണ് മണികണ്ഠന് പറയുന്നത്. മണികണ്ഠന് തന്റെ ജീവിതം തുടങ്ങിയത് ഈ മാര്ക്കറ്റില് നിന്നാണ്. മാര്ക്കറ്റിലുള്ളവര് ഹനാന്റെ ജീവിതം സത്യമാണെന്ന് വ്യക്തമാക്കുകയും ചെയ്തു.
മണികണ്ഠന് ഹാനാന് ആശംസകള് അറിയിക്കുകയും ചെയ്തിട്ടുണ്ട്. സ്വന്തം അധ്വാനത്തിലൂടെ ജീവിക്കാനും പഠിക്കാനും ശ്രമിക്കുന്ന ഹനാന് എന്ന പെണ്കുട്ടിയുടെ മനസ്സിനെ ഞാന് അംഗീകരിക്കുന്നു. എന്റെ ജീവിതം തുടങ്ങിയ ചമ്പക്കര മത്സ്യ മാര്ക്കറ്റില് ഞാന് എന്റെ കൂട്ടുകാരോട് അനേഷിച്ചപ്പോള് സംഭവം സത്യം ആണ്.
കഴിഞ്ഞ മൂന്ന് ദിവസം ആയി മീന് എടുക്കാന് വേണ്ടി ഈ പെണ്കുട്ടി ചമ്പക്കര മത്സ്യ മാര്ക്കറ്റില് വരാറുണ്ട്, കണ്ടവരും ഉണ്ട്. പിന്നെ അരുണ് ഗോപി, പ്രണവ് മോഹന്ലാല് ചിത്രത്തിന് ഇത്തരം ഒരു പ്രൊമോഷന്റെ ആവശ്യം ഉണ്ടെന്നു മലയാളികള് ആരും വിശ്വസിക്കും എന്ന് എനിക്ക് തോന്നുന്നില്ലെന്നും മണികണ്ഠന് പറയുന്നു.
https://www.facebook.com/Malayalivartha
