ബോളിവുഡ് താര സുന്ദരി സണ്ണി ലിയോണിന്റെ ജീവിത ചിത്രം തമിഴിലും. 'കരണ്‍ജിത്ത് കൗര്‍ ദി അണ്‍ടോള്‍ഡ് സ്‌റ്റോറി ഓഫ് സണ്ണി ലിയോണ്‍' എന്ന പരമ്പര ജൂലൈ 16 മുതല്‍ സീ5ല്‍ പ്രേക്ഷകര്‍ക്ക് മുന്നിലെത്തിയിരുന്നു. ഇതിന്റെ തമിഴ് പതിപ്പാണ് ഇനി ഇറങ്ങുന്നത്. 

ഈ വിവരം സണ്ണി പ്രേക്ഷകരെ അറിയിച്ചത് വ്യത്യസ്തമായ ഒരു ശൈലിയിലാണ്. തമിഴില്‍ ഇറങ്ങാനിരിക്കുന്ന തന്റെ ജീവിത ചിത്രത്തിന്റെ അറിയിപ്പ് തമിഴില്‍ തന്നെയാണ് താരം അറിയിച്ചത്. തമിഴ് ഉള്‍പ്പടെ നിരവധി ഭാഷകളില്‍ തന്റെ ജീവിത ചിത്രം പ്രേക്ഷകരിലേക്ക് എത്തുന്നതില്‍ ഒരുപാട് സന്തോഷമുണ്ടെന്നും, എല്ലാവര്‍ക്കും ഇഷ്ടമാകുമെന്നാണ് കരുതുന്നതെന്നും സണ്ണി തന്റെ ട്വിറ്ററില്‍ കുറിച്ചു.

മോഡലിംഗ് രംഗത്തുനിന്ന് പോണ്‍ ചിത്രങ്ങളിലൂടെ കടന്നുപോയ താരം ഇപ്പോള്‍ ബോളിവുഡ് നായികയാണ്.

എന്നാല്‍ പോണ്‍ ചിത്രരംഗത്തേക്ക് കടന്നപ്പോള്‍ തന്റെ ജോലി അച്ഛനും അമ്മയ്ക്കും ഇഷ്ടമായിരുന്നില്ലെന്ന് സണ്ണി ലിയോണ്‍ തന്നെ വെളിപ്പെടുത്തിയിട്ടുണ്ട്. പോണ്‍ സിനിമാരംഗത്ത് നിന്ന് ബോളിവുഡില്‍ ചുവടുറപ്പിക്കാന്‍ തീരുമാനിച്ച സണ്ണിയ്ക്ക് ഭീഷണി നേരിടേണ്ടി വന്നിട്ടുണ്ടെന്നും സണ്ണി ഓര്‍ക്കുന്നു.