ഷക്കീലയുടെ കാമുകനായി രാജീവ് പിള്ള എത്തുന്നു...
ബിഗ്രേഡ് സിനിമകളിലൂടെ പ്രേക്ഷകരെ ഹരം കൊളളിച്ച നടിയായിരുന്നു ഷക്കീല. തെന്നിന്ത്യയിലെ എല്ലാ ഭാഷകളിലും ആരാധകരുളള നടി കൂടിയായിരുന്നു അവര്. സൂപ്പര്താരങ്ങളുടെയെല്ലാം ചിത്രങ്ങള്ക്ക് ലഭിച്ച അതേ സ്വീകാര്യത ഷക്കീല ചിത്രങ്ങള്ക്കും പണ്ട് ലഭിച്ചിരുന്നു.നടിയുടെതായി മലയാളത്തില് നിര്മ്മിച്ചിരുന്ന ചിത്രങ്ങളെല്ലാം തന്നെ അന്യഭാഷകളിലും മൊഴിമാറ്റി പ്രദര്ശിപ്പിച്ചിരുന്നു.
ഷക്കീലയുടെ ജീവിതകഥ സിനിമയാകുമെന്ന് നേരത്തെ റിപ്പോര്ട്ടുകള് വന്നിരുന്നു. ഇന്ദ്രജിത്ത് ലങ്കേഷാണ് ഷക്കീലയുടെ ജീവിതം വെള്ളിത്തിരയിലേക്ക് എത്തിക്കുന്നത്. മലയാളി താരം രാജീവ് പിളളയാണ് ചിത്രത്തില് നായകവേഷത്തിലെത്തുന്നത്. സിനിമയുടെ ചിത്രീകരണം ആരംഭിച്ചിരിക്കുകയാണ്. അടുത്തിടെ ഷക്കീലയുടെ ജീവിതത്തെക്കുറിച്ച് ഒരഭിമുഖത്തില് രാജീവ് പിളള സംസാരിച്ചിരുന്നു.
ഷക്കീലയുടെ കാമുകന്റെ വേഷമാണ് രാജീവ് പിള്ളയ്ക്ക്. സിനിമയുടെ ഭാഗമാകുന്നതില് യാതൊരു ബുദ്ധിമുട്ടുമില്ലെന്നും ഒരു കാലത്ത് തരംഗമായിരുന്ന ഷക്കീലയെ കൂടെയുണ്ടായിരുന്നവര് എല്ലാം കവര്ന്നെടുത്ത് തനിച്ചാക്കുകയായിരുന്നെന്നും രാജീവ് പിള്ള വ്യക്തമാക്കി.
മലയാളം,തെലുങ്ക്,കന്നഡ,തമിഴ് തുടങ്ങിയ ഭാഷകളിലായിരുന്നു നടി കൂടുതലായും അഭിനയിച്ചിരുന്നത്. ബി ഗ്രേഡ് ചിത്രങ്ങള്ക്ക് ഒരുകാലത്ത് മികച്ച പ്രേക്ഷക സ്വീകാര്യത ലഭിച്ചിരുന്ന സമയത്തു തന്നെയാണ് ഷക്കീലയും തിളങ്ങിയിരുന്നത്. അടുത്തിടെയായിരുന്നു ഷക്കീലയുടെ ജീവിതത്തെ ആസ്പദമാക്കി ഒരു സിനിമ വരുന്നുവെന്ന് റിപ്പോര്ട്ടുകള് വന്നിരുന്നത്. നടിയുടെതായി എല്ലാവരും അറിഞ്ഞതും അറിയാത്തതുമായ കഥയാണ് ചിത്രത്തിലൂടെ പറയുന്നത്.
ബോളിവുഡ് സിനിമകളിലൂടെ തിളങ്ങിയ നടി റിച്ച ചദ്ദയാണ് ഷക്കീലയുടെ ബയോപിക്കില് മുഖ്യ വേഷത്തില് എത്തുന്നത്. ബോളിവുഡില് നിരവധി സിനിമകളിലൂടെ പ്രേക്ഷകര്ക്ക് സുപരിചിതയായ നടിയാണ് റിച്ച ചദ്ദ. ഗ്യാങ്സ് ഓഫ് വസൈപ്പൂര്,ഗോലിയോം കീ രാംലീല രാസ് ലീല,സരബ്ജിത്ത് തുടങ്ങിയ ചിത്രങ്ങളിലെല്ലാം തന്നെ നടി ശ്രദ്ധേയ വേഷങ്ങളിലെത്തിയിരുന്നു. സിനിമയുടെ സ്ക്രിപ്റ്റ് മികച്ചതാണെന്നും നല്ല അഭിനയ സാധ്യതയുളള വേഷമായതിനാലാണ് ഷക്കീലയുടെ വേഷം തിരഞ്ഞെടുത്തതെന്നും അടുത്തിടെ റിച്ച ചദ്ദ പറഞ്ഞിരുന്നു.
https://www.facebook.com/Malayalivartha