തന്റെ അഭിനയമികവ് കൊണ്ടും മറ്റുള്ളവരോട് പെരുമാറുന്ന രീതികൊണ്ടുമൊക്കെ ഒരുപാട് ഫാൻസിനെ ഉണ്ടാക്കിയ താരമാണ് മെഗാസ്റ്റാർ മമ്മൂട്ടി. മമ്മൂട്ടിയുടെ പുതിയ ചിത്രം ‘പേരൻപ്’ ഇപ്പോൾ റിലീസിനൊരുങ്ങുകയാണ്. ഈ ചിത്രത്തെ കുറിച്ച്, ചിത്രത്തിലെ മമ്മൂട്ടിയുടെ പ്രകടനത്തെ കുറിച്ച തമിഴ് നടൻ സിദ്ധാർഥ് പറയുന്നത് നിങ്ങൾ എല്ലാവരും നിർബന്ധമായും കേൾക്കണം.

മമ്മൂട്ടി എന്ന നടന്റെ അഭിനയപ്പെരുമ ലോക പ്രശസ്‌തമാണ്‌. അതിനാൽ തന്നെ മലയാളത്തിൽ മാത്രമല്ല, മറ്റു ഇൻഡസ്ട്രികളിലും മമ്മൂട്ടിക്ക് ഒരുപാട് ഫാൻസ്‌ ഉണ്ട് താനും. ഇപ്പോഴിതാ താനും ഒരു വലിയ മമ്മൂട്ടി ഫാൻ ആണെന്ന് തുറന്നു പറഞ്ഞിരിക്കുകയാണ് സിദ്ധാർഥ്. പേരൻപിന്റെ ഓഡിയോ ലോഞ്ചിന് ഗസ്റ്റ് ആയെത്തിയ സിദ്ധാർത്ഥിന്റെ വാക്കുകൾ ഇങ്ങനെയായിരുന്നു.

“ഈ സിനിമയുടെ പ്രധാന ആകർഷണം, ദി സെൻട്രൽ റോക്ക്, അത് മമ്മൂട്ടി സർ ആണ്. ഈ സിനിമയെ കുറിച്ച് ഇത്രയധികം ആളുകൾ ചർച്ച ചെയ്യാൻ കാരണവും അദ്ദേഹമാണ്. ‘എന്തിന് മമ്മൂട്ടി ഇങ്ങനെ ഒരു പടം ചെയ്‌തു ?!’ ‘അദ്ദേഹം ഇങ്ങനെ ഒരു പടം ചെയ്യണമെങ്കിൽ അതിൽ എന്തോ കാര്യമുണ്ട്’ എന്നൊക്കെയുള്ള ചിന്തകൽ ഈ സിനിമ ആളുകൾ കാണാൻ ഇടയാക്കുമെന്നുറപ്പാണ്. ഇന്ത്യയിലെ ഏറ്റവും മികച്ച നടന്മാരിരൊളാണദ്ദേഹം. അദ്ദേഹം ഇത്തരം സിനിമകൾ ചെയ്യുന്നത് ഞങ്ങളെ പോലുള്ളവർക്ക് മാതൃകയാക്കാവുന്നതാണ്.” -സിദ്ധാർഥ് പറയുന്നു.

മമ്മൂട്ടി ആദ്യം ഒരു നല്ല നടനായ ശേഷമാണ് ഒരു സൂപ്പർസ്റ്റാർ ആയതെന്നും, അദ്ദേഹത്തിന്റെ പ്രകടനം വളരെ മികച്ചതാണെന്നും അഭിപ്രായപ്പെട്ട സിദ്ധാർഥ് മറ്റുള്ളവരുടെ പ്രകടനത്തെ പുകഴ്ത്താനും മടി കാണിച്ചില്ല.