ഇപ്പോള്‍ സോഷ്യല്‍ മീഡിയ മുഴുവന്‍ ചര്‍ച്ചയായിരിക്കുന്നത് അമേരിക്കന്‍ താരറാണി ജെന്നിഫര്‍ ലോപ്പസിന്റെ ഊരിപ്പോയ ജീന്‍സിനെ കുറിച്ചാണ്. പക്ഷേ സംഗതി അതൊന്നും അല്ല ഊരിപ്പോയ പാന്റ് പോലെ തോന്നിക്കുന്ന രൂപത്തിലുള്ള താരത്തിന്റെ പുതിയ മോഡല്‍ ബൂട്ടാണ് ഈ പണി ഒക്കെ പറ്റിച്ചത്. പക്ഷേ ഒറ്റ നോട്ടത്തില്‍ ആരു കണ്ടാലും ജീന്‍സ് അഴിഞ്ഞുവീണതാണെന്നേ തോന്നൂ.

ആഡംബര ബ്രാന്‍ഡായ വെര്‍സാച്ചിയുടെ ഏറ്റവും പുതിയ ഡെനിം ബൂട്ടുകളാണ് ജെന്നിഫര്‍ ധരിച്ചിരിക്കുന്നത്. വെള്ള ഷര്‍ട്ടിനൊപ്പം ജീന്‍സ് ധരിക്കാതെയുള്ള ബൂട്ട് ലുക്ക് ഫാഷന്‍ ലോകത്ത് ട്രെന്‍ഡായിക്കഴിഞ്ഞു.
പക്ഷേ താരത്തിന്റെ ഈ പുത്തന്‍ ലുക്കിന് കിട്ടുന്ന ട്രോളുകളും കുറവല്ല. പൊതുസ്ഥലത്ത് ജെന്നിഫര്‍ ലോപ്പസിന്റെ ജീന്‍സ് അഴിഞ്ഞു വീണു എന്ന തരത്തിലുള്ള ട്രോളുകളാണ് താരത്തിന്റെ ട്വിറ്റര്‍ പേജ് നിറയെ.

'ജീന്‍സ് ഒഴിവാക്കൂ, ബൂട്ട് ധരിക്കൂ' എന്ന ഹാഷ്ടാഗിലാണ് ജെന്നിയുടെ ചിത്രങ്ങള്‍ പ്രചരിക്കുന്നത്.

എന്ത് തന്നെ ആയാലും താരങ്ങള്‍ കൊണ്ടു വരുന്ന ഏത് പുത്തന്‍ ഫാഷനെയും നെഞ്ചേറ്റുന്ന ആരാധകര്‍ ഇതും ഏറ്റെടുക്കുമോ എന്ന് കണ്ട് തന്നെ അറിയാം.