കണ്ണൂര്‍ ജവഹര്‍ സ്‌റ്റേഡിയത്തില്‍ നടക്കുന്ന നൃത്ത ബിനാലെയില്‍ മുഖ്യ നര്‍ത്തകിയായി ഹോളിവുഡ് താരം സണ്ണിലിയോണ്‍. എംജെ ഇന്‍ഫാസ്ട്രക്ചര്‍ ഡാനസ് ഫ്യൂഷന്‍ ബിനാലെ ടുകെ 18 ന്റ നേതൃത്വത്തിലാണ് ഡാന്‍സ് ഫ്യൂഷന്‍ ബിനാലെ സംഘടിപ്പിക്കുന്നത്. സെപ്തംബര്‍ 8 ന് വൈകുന്നേരം 6 മണിമുതലാണ് പരിപാടി നടക്കുക.

ലോക രാജ്യങ്ങളില്‍ നിരവധി ഷോയിലൂട പ്രഗത്ഭനായ ക്രിയേറ്റീവ് ഡയറക്ടര്‍ ഡാഡു ഓഷ്മയുടെ സംവിധാനത്തില്‍ ഒരുങ്ങുന്ന നൃത്ത ബിനാലെയില്‍ സണ്ണിലിയോണ്‍ മുഖ്യ നര്‍ത്തകിയായി പരിപാടിയില്‍ പങ്കെടക്കും. നിരവധി നര്‍ത്തകരും തെന്നിന്ത്യന്‍ സിനിമാതാരങ്ങളും അരങ്ങിലെത്തും. 3 മണിക്കൂര്‍ നീണ്ടു നില്‍ക്കുന്ന നൃത്ത സംഗീത പരിപാടി വീക്ഷിക്കുന്നതിന് പ്രവേശന ഫീസ് 500, 1000, 2500, 3500 എന്നിങ്ങനെ നിജപ്പെടുത്തിയിട്ടുണ്ട്.

ഓണ്‍ലൈനായി നിശ്ചിത കേന്ദ്രങ്ങളിലൂടെ ടിക്കറ്റ് ലഭിക്കും. സെയ്‌വ് എ ഗേള്‍ ചൈല്‍ഡ് ആന്റ് പ്രൊട്ടക്റ്റ് ദി ഫ്യൂച്ചര്‍ ആന്റ് ഡോണ്‍ട് ഡ്രൈവ് വിത്ത് ഡ്രിംങ്ക്‌സ് ആന്റ് ഡ്രംങ്‌സ് എന്ന ആശയം മുന്നോട്ടുവെച്ച് ഓഷ്മ എംജെ ഫൗണ്ടേഷന്‍ ബാംഗ്ലൂരുമായി സഹകരിച്ചു കൊണ്ടാണ് പരിപാടി സംഘടിപ്പിക്കുന്നത്. വാര്‍ത്താ സമ്മേളനത്തില്‍ ഷിയാസ് പെരുമ്പാവൂര്‍, മനോജ് മയ്യന്നൂര്‍, സുബൈര്‍ പയ്യന്നൂര്‍,സുജിത്ത് എന്നിവര്‍ പങ്കെടുത്തു.