ശ്രീദേവിയെ തന്റെ രണ്ടാനമ്മയായി കരുതാന് അര്ജ്ജുന് തയ്യാറായിരുന്നില്ല; അന്ന് അവന് പതിനൊന്ന് വയസ്സ് മാത്രമായിരുന്നു പ്രായം: ആദ്യ കാഴ്ചയില് തന്നെ ശ്രീദേവിയെ ഞാന് പ്രണയിക്കാന് തുടങ്ങി! എകദേശം പന്ത്രണ്ട് വര്ഷത്തോളം ഞാന് ശ്രീയുടെ പുറകെ അലഞ്ഞുനടന്നു- ബോണി കപൂര്
അഞ്ച് പതിറ്റാണ്ട് കാലം ഇന്ത്യന് സിനിമയുടെ ഭാവസൗന്ദര്യമായി നിറഞ്ഞാടിയ ഇതിഹാസതാരകം ശ്രീദേവിയുടെ 55ാം ജന്മവാര്ഷികത്തോടനുബന്ധിച്ച് നടന്ന ഒരു പരിപാടിയില് നെഞ്ചുതകര്ന്ന് ഭാര്യയുടെ ഓര്മ്മകള് പങ്കുവച്ച് ബോണി കപൂര്. ശ്രീദേവിയും താനും തമ്മിലുള്ള പ്രണയം ഒരു തുറന്ന പുസ്തകമായിരുന്നു.
ശ്രീദേവിയെ ആദ്യമായി സ്ക്രീനില് കണ്ടപ്പോള് മുതല് ഞാന് അവരുമായി പ്രണയത്തിലായി. ഏകപക്ഷീയമായ ഒരു പ്രണയമായിരുന്നു തുടക്കത്തില്. അവരെ കാണാന് ഞാന് ചെന്നൈയിലേക്ക് പോയി. ആ കാലത്ത് ശ്രീദേവി സിനിമയില് ഏറെ തിരക്കുള്ള ഒരു അഭിനേത്രിയാണ്. ശ്രീദേവിയെ കാണുമ്പോള് അവര്ക്ക് ചുറ്റും ഒരു പ്രഭാവലയമുണ്ടെന്ന് എനിക്ക് തോന്നിയിട്ടുണ്ട്. അവര്ക്ക് പുറകെ ഞാന് അലഞ്ഞു. എകദേശം പന്ത്രണ്ട് വര്ഷങ്ങളെടുത്തു അവര്ക്കരികില് എത്താന്
അവള് ബാക്കിവെച്ച ശൂന്യത ഒന്നുകൊണ്ടും നികത്താനാവില്ല. അവള് ശേഷം ജീവിതത്തില് ഒരുപാട് മാറ്റങ്ങള് സംഭവിച്ചു. ജാന്വിയുടെ ആദ്യ സിനിമകാണാന് അവള് കാത്തുനിന്നില്ലല്ലോ എന്നതാണ് ഏറ്റവും വലിയ ദുഃഖം . അര്ജ്ജുനും അന്ഷുലയും ജാന്വിയെയും ഖുശിയെയും അംഗീകരിച്ചു എന്നത് ഏറെ ആശ്വാസം നല്കുന്ന കാര്യമാണ്.-ബോണി കപൂര് പറഞ്ഞു
മോനയില് നിന്ന് വിവാഹമോചനം നേടിയതിന് ശേഷമാണ് ബോണി കപൂര് ശ്രീദേവിയെ വിവാഹം കഴിക്കുന്നത്. അര്ജ്ജുന് അന്ന് പതിനൊന്ന് വയസ്സ് മാത്രമായിരുന്നു പ്രായം. ശ്രീദേവിയെ തന്റെ രണ്ടാനമ്മയായി കരുതാന് അര്ജ്ജുന് ഇഷ്ടമല്ലായിരുന്നുകാന്സര് ബാധിച്ച് 2005 ല് അമ്മ അന്തരിച്ചിട്ടും അച്ഛനെ ആശ്രയിക്കാന് അര്ജ്ജുനും സഹോദരി അന്ഷുലയും തയ്യാറായില്ല. ശ്രീദേവി ജീവിച്ചിരിക്കുമ്പോള് അര്ജ്ജുന് അര്ദ്ധ സഹോദരിമാരുമായി ഒരു തരത്തിലുമുള്ള ബന്ധം പുലര്ത്തിയിരുന്നില്ല.
https://www.facebook.com/Malayalivartha