പ്രളയക്കെടുതിയില്‍ ചെങ്ങന്നൂര്‍ വെണ്‍മണിയില്‍ അകപ്പെട്ടു പോയ തന്റെ ഒന്‍പത് മാസം ഗര്‍ഭിണിയായ ഭാര്യയെ രക്ഷിക്കണം എന്നാവശ്യപ്പെട്ട് ലൈവില്‍ പൊട്ടിക്കരഞ്ഞ് യുവ നടന്‍ ശരത്. പുതിയ ചിത്രത്തിന്റെ ഷൂട്ടിങ്ങിനായി ചെന്നൈയില്‍ പോയത് ആണ് ശരത്. പക്ഷെ മഴ ശക്തിപ്പെട്ടതോടെ ശരത്തിനു തിരിച്ചു വരാന്‍ കഴിഞ്ഞില്ല. ഗര്‍ഭിണിയായ ഭാര്യക്കൊപ്പം താന്‍ ഇല്ല എന്ന ആശങ്കയും താരം പങ്ക് വയ്ക്കുന്നു.

'ഞാന്‍ ചെന്നൈയില്‍ ഷൂട്ടിലാണ്, ഇവിടെ ഇന്ന് വരാന്‍ കഴിയാത്ത അവസ്ഥയാണ്. ഭാര്യ വീട് മാന്നാര്‍ ആണ്. അവിടെ വെള്ളം കേറും എന്ന് കരുതിയാണ് വെണ്മണിയിലേക്ക് മാറ്റിയത്. പക്ഷെ ഇന്ന് രാവിലെ ആണ് വാര്‍ത്തയില്‍ കണ്ടത് അവിടെയും വെള്ളം കേറി എന്നും. എനിക്ക് ഒന്നും ചെയ്യാന്‍ കഴിയാത്ത അവസ്ഥയാണ്. രേഷ്മ എന്നാണ് അവളുടെ പേര്. 9 മാസം ഗര്‍ഭിണി ആണ്. അവള്‍ സുരക്ഷിതയാണെന്ന് അറിഞ്ഞാല്‍ മതി. ആരെയും വിളിച്ചിട്ട് കിട്ടുന്നില്ല. ഈ ഭാഗത്തുള്ള ആരെങ്കിലും എന്തെങ്കിലും അറിയുകയാണെങ്കില്‍ എന്നെ വിവരമറിയിക്കണം. എന്‍റെ നമ്ബര്‍ 9072743107 ആണ്' ശരത് പറയുന്നു.