ബോളിവുഡ് ഹോളിവുഡ് പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന ഒരു താര വിവാഹമാണ് പ്രയങ്ക ചോപ്രയുടേത്. പ്രയങ്ക ചോപ്രയും അമേരിക്കന്‍ ഗായകന്‍ നിക് ജൊനാസിന്റേയും പ്രണയം ഇതിനോടകം തന്നെ സോഷ്യല്‍ മീഡിയയില്‍ ചര്‍ച്ചയായതാണ്. ഗോസിപ്പ് വാര്‍ത്തകളും റൂമറുകള്‍ക്കുമൊടുവില്‍ പ്രിയങ്ക നിക്കിന് സ്വന്തമാകാന്‍ പോകുകയാണ്. കഴിഞ്ഞ ദിവസം വിവാഹത്തിന് മുന്നോടിയായിട്ടുള്ള വിവാഹ നിശ്ചയ ചടങ്ങുകള്‍ നടന്നിരുന്നു. അമേരിക്കയില്‍ നിന്ന് നിക്കിന്റെ മാതാപിതാക്കളെ കൂടാതെ സുഹൃത്തുക്കളും ചടങ്ങില്‍ പങ്കെടുക്കാന്‍ ഇന്ത്യയില്‍ എത്തിയിരുന്നു.

പ്രിയങ്ക നിക്ക് താരങ്ങള്‍ക്ക് ആശംസ അറിയിക്കാന്‍ ബോളിലുഡിലെ താരങ്ങളും എത്തിയിരുന്നു. പ്രിയങ്ക ചോപ്രയും അടുത്ത സുഹൃത്തുക്കളായ രണ്‍വീര്‍ സിങ്, ആലിയ ഭട്ട്, കരണ്‍ ജോഹര്‍, മനീഷ് മല്‍ഹോത്ര, സോഫീ ചൗധരി, രവീണ ടാണ്‍ടണ്‍, നിത, മുകേഷ്, ഇഷ അംബാനി, പരിനീതി ചോപ്ര, സല്‍മാന്‍ഖാന്റെ സഹോദരി അര്‍പ്പിത എന്നിവരും വൈകുന്നേരും നടന്ന പാര്‍ട്ടിയില്‍ പങ്കെടുത്തിരുന്നു.

ഇന്ത്യന്‍ മതാചാരപ്രകാരമായിരുന്നു ഇവരുടെ വിവാഹ നിശ്ചയം മുംബൈയില്‍ നടന്നത്. ഹോളിവുഡിലെ വളരെ പ്രശസ്തനായ സംഗീതജ്ഞനാണ് നിക്ക്.

കഴിഞ്ഞ വര്‍ഷം നടന്ന മെറ്റ് ഗാവല റെഡ്കാര്‍പെറ്റിലായിരുന്നു ഇരുവരുടേയും പ്രണയം പൂവിട്ടത്. പിന്നീട് പല വേദികളിലും ഇരു താരങ്ങളും ഒരുമിച്ച് പ്രത്യക്ഷപ്പെട്ടിരുന്നു. ഇതിനു പിന്നാലെയാണ് ഇവരുടെ പ്രണയ വാര്‍ത്ത പാട്ടായി തുടങ്ങിയത്.