നടി മീരാനന്ദന്‍ ഫുള്‍ ടൈം സിനിമ ഉപേക്ഷിക്കുന്നു. ട്വിറ്ററിലൂടെയാണ് താരം ഇക്കാര്യം വ്യക്തമാക്കിയത്. ദുബായിലെ റേഡിയോ റെഡ് 94.7 എന്ന എഫ്.എം സ്‌റ്റേഷനില്‍ റേഡിയോ ജോക്കിയായി ജോലിക്ക് പോവുകയാണ് താരം.  ഞായറാഴ്ച ആറ് മണി മുതല്‍ പത്ത് മണിവരെ പ്രക്ഷേപണം ചെയ്യുന്ന ബി കമ്പനി എന്ന ഷോയാണ് മീര അവതരിപ്പിക്കുന്നത്. ഇത് തീര്‍ത്തും മറ്റൊരു ലോകമാണെന്നും മീര ട്വീറ്റില്‍ പറയുന്നു. ഏറെ നാളായി കൊണ്ട് നടന്ന ആഗ്രഹമാണിതെന്നും പറഞ്ഞു.

അഭിനയത്തില്‍ നിന്ന് ഒരു മാറ്റം ആഗ്രഹിച്ചിരുന്നു. സിനിമയിലെ ആവര്‍ത്തിക്കപ്പെടുന്ന കഥാപാത്രങ്ങളില്‍ നിന്ന് ഒരു മോചനം വേണമായിരുന്നു..വൈശാഖിന്റെ \'കസിന്‍സ്\' എന്ന ചിത്രത്തില്‍ കുഞ്ചാക്കോ ബോബന്റെ ബാല്യകാല കാമുകിയുടെ വേഷം ചെയ്യുന്നത് മീര നന്ദനാണെന്ന് ആദ്യം കേട്ടിരുന്നു. എന്നാല്‍ ട്രെയിലര്‍ ഇറങ്ങിയപ്പോഴാണ് അറിഞ്ഞത് ആ വേഷം ചെയ്തത് മിയ ജോര്‍ജാണ്. പിന്‍മാറാന്‍ കാരണം ജോലിയുടെ തിരക്കാണെന്ന് മീര പറഞ്ഞു. മീര ഇപ്പോള്‍ പ്രൊബേഷന്‍ പിരീഡിലാണ്. അതുകൊണ്ട് പെട്ടന്ന് കുറച്ച് അവധിയെടുക്കുക പ്രയാസമാണ്.

ഏഷ്യനെറ്റില്‍ സംപ്രേക്ഷണം ചെയ്തിരുന്ന ഐഡിയാ സ്റ്റാര്‍ സിംഗറില്‍ അവതാരികയായി വന്ന മീര നന്ദന്‍ മുല്ല എന്ന ലാല്‍ ജോസ് ചിത്രത്തിലൂടെയാണ് വെള്ളിത്തിരയില്‍ എത്തിയത്. മലയാളത്തിലും തമിഴിലും നിരവധി ചിത്രങ്ങളില്‍ അഭിനയിച്ചെങ്കിലും സ്റ്റാറായി ഉയരാന്‍ താരത്തിനായില്ല. ചെറിയ വേഷങ്ങളില്‍ ഒതുങ്ങേണ്ടിവന്നു. ഇതേ തുടര്‍ന്നാണ് ചുവട് മാറ്റാന്‍ തീരുമാനിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha