കാബറെയില് ശ്രീശാന്ത്
വിവാദങ്ങളില് നിന്നും വിവാദങ്ങളിലേക്ക് പോയി അവസാനം ഒത്തുകളിച്ചതിന്റെ പേരില് ക്രിക്കറ്റില് നിന്നും വിലക്കപ്പെട്ട ശ്രീശാന്ത് ബോളിവുഡില് അരങ്ങേറ്റത്തിനൊരുങ്ങുന്നു. പൂജാ ബട്ട് നിര്മ്മിക്കുന്ന കാബറെ എന്ന ചിത്രത്തിലൂടെയാണ് ശ്രീശാന്ത് ഹിന്ദി സിനിമയില് എത്തുന്നത്. ചിത്രത്തില് മലയാളി കഥാപാത്രത്തെ തന്നെയാണ് ശ്രീശാന്ത് അവതരിപ്പിക്കുന്നത്.
റിച്ച ചദ്ദ നായികയാകുന്ന ചിത്രത്തില് നായികയുടെ ഉപദേശകനായാണ് ശ്രീശാന്ത് പ്രത്യക്ഷപ്പെടുക. ശ്രീശാന്തിന് ഇണങ്ങുന്ന കഥാപാത്രമായതു കൊണ്ടാണ് അദ്ദേഹത്തെ ചിത്രത്തില് കാസ്റ്റ് ചെയ്തതെന്ന് പൂജാ ബട്ട് പറഞ്ഞു.
കൗസ്തവ് നാരായണ് ത്യാഗിയാണ് ചിത്രം സംവിധാനം ചെയ്യുന്നത്. അദ്ദേഹത്തിന്റെ ആദ്യ ചിത്രമാണ് കാബറെ. ടി സീരീസാണ് സഹ നിര്മ്മാതാക്കള്. അടുത്ത വര്ഷം ചിത്രം പ്രദര്ശനത്തിനെത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha