അടുത്ത വര്‍ഷം കല്യാണം കഴിക്കുമെന്ന് പ്രഖ്യാപിച്ച ഷംന തിരുത്തി. കല്യാണം ഉടനില്ല. രണ്ടു വര്‍ഷം കൂടി കഴിഞ്ഞിട്ട് വിവാഹം മതിയെന്നാണ് ഷംനയുടെ തീരുമാനം. 

നര്‍ത്തകി എന്ന നിലയില്‍ ഏറെ പ്രശസ്തയാണ് ഷംന. മലയാളത്തില്‍ കുറച്ചു സിനിമകള്‍ മാത്രമേ ഷംന അഭിനയിച്ചിട്ടുള്ളൂ. മുല്ല ആണ് പുറത്തിറങ്ങാന്‍ ഇരിക്കുന്ന പുതിയ ചിത്രം. തമിഴിലും തെലുങ്കിലും ഷംനയുടെ സിനിമകള്‍ ഇറങ്ങാനിരിക്കുന്നുണ്ട്. 
ഗ്ലാമര്‍ വേഷങ്ങളില്‍ ചില ചിത്രങ്ങളില്‍ പ്രത്യക്ഷപ്പെട്ടതും വിവാഹ വിഷയത്തില്‍ വന്ന ഗോസിപ്പുകളും ഷംനയെ അലട്ടിയിരുന്നു. കൂടാതെ സമുദായത്തില്‍നിന്നു പോലും ഭീഷണികള്‍ നേരിടേണ്ടിവന്നു. ഇതോടെയാണ് കല്യാണമില്ലെന്നും സിനിമയില്‍ തുടരുമെന്നും ഷംന പ്രഖ്യാപിച്ചതെന്നാണ് വിവരം. 
ഐശ്വര്യാ റായിക്കൊപ്പം ഏഷ്യാ വിഷന്‍ വേദിയില്‍ ഡാന്‍സ് കളിച്ചതോടെ ഷംന ഏറെ ശ്രദ്ധിക്കപ്പെട്ടു. സ്‌റ്റേജ് ഷോയ്ക്കിടെ സദസിലിരുന്ന ഐശ്വര്യാ റായി ഷംന ഡാന്‍സ് ചെയ്ത കജ്‌രാരേ.. എന്ന പാട്ടിനൊപ്പം ചുവടുവയ്ക്കാന്‍ വേദിയിലേക്ക് എത്തുകയായിരുന്നു. അത് ഷംനയെ ഏറെ പ്രശസ്തയാക്കി. ഈ പ്രശസ്തിയും വിവാഹം നീട്ടാന്‍ കാരണമായെന്നാണ് പറയപ്പെടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha