ഒറ്റ കണ്ണിറക്കലിലൂടെ മലയാളത്തിലും ബോളിവുഡിലും താരമായി മാറിയ താരമാണ് പ്രിയ പ്രാകാശ് വാര്യര്‍. ആദ്യ ചിത്രം റിലീസാകും മുന്‍പ് തന്നെ പ്രിയ ആഗോള ക്രഷായി മാറുകയായിരുന്നു. കഴിഞ്ഞ ദിവസം താരത്തിന്റെ ഏറ്റവും പുതിയ ബോളിവുഡ് ചിത്രമായ ശ്രീദേവി ബംഗ്ലാവിന്റെ ടീസര്‍ പുറത്തെത്തിയിരുന്നു.

മികച്ച സ്വീകാര്യതയാണ് ടീസറിനു ലഭിച്ചത്. മലയാളിയായ പ്രശാന്ത് മാമ്ബൂള്ളിയാണ് ചിത്രം സംവിധാനം ചെയ്യുന്നത്. പൂര്‍ണ്ണമായും യുകെയില്‍ ചിത്രീകരിച്ച ചിത്രമാണിത്. ചിത്രത്തിന്റെ ടീസര്‍വന്നതോടൊ ബോളിവുഡ് കോളങ്ങളിലും മീഡിയയിലും പ്രിയ പ്രത്യക്ഷപ്പെട്ട് തുടങ്ങിയിട്ടുണ്ട്.

ബോളിവുഡ് മാധ്യമങ്ങളിലെ ഇപ്പോഴത്തെ ചര്‍ച്ച വിഷയം ടീസര്‍ ലോഞ്ചിന് പ്രിയ ധരിച്ചിരുന്ന വസ്ത്രമാണ്. കറുപ്പും സ്വര്‍ണ്ണ കള്ളറുമുളള ഗൗണായിരുന്നു താരം ധരിച്ചത്. 2012 ല്‍ വോഗ് മാസികയുടെ ബ്യൂട്ടി പുരസ്‌കാരം വാങ്ങാന്‍ വന്നപ്പോള്‍ ഇതേ തരത്തിലുളള വസ്ത്രമായിരുന്നു ദീപിക ധരിച്ചിരുന്നത്.

ഈ രണ്ടു ചിത്രങ്ങളും ഇപ്പോള്‍ സോഷ്യല്‍ മീഡിയയില്‍ വൈറലാണ്.70 കോടി രൂപ മുതല്‍ മുടക്കിലാണ് പ്രിയയുടെ ശ്രീദേവി ബംഗ്ലാവ് ഒരുങ്ങുന്നത്. ഒരു ഹൊറര്‍ ത്രില്ലര്‍ ഗണത്തില്‍പ്പെട്ട ചിത്രമായിരിക്കും ഇതെന്നാണ് പുറത്തു വരുന്ന റിപ്പോര്‍ട്ട്.