നെടുമ്പാശ്ശേരിയിൽ മൂന്ന് പേരുടെ ദാരുണമായ മരണത്തിനിടയാക്കിയ വാഹനാപകടത്തിൽ കേസിലെ പ്രതി സുഹൈലിന്റെ മാതാവ് നൂഹ സജീവ് നടത്തിയ അനുശോചന പ്രകടനം സോഷ്യൽ മീഡിയയിൽ കടുത്ത വിമർശനത്തിന് വഴിവെക്കുന്നു. ഇൻസ്റ്റഗ്രാമിൽ പങ്കുവെച്ച വീഡിയോ സന്ദേശത്തിലൂടെയാണ് മൂന്ന് ജീവനുകൾ അപഹരിച്ച ദുരന്തത്തിൽ കുടുംബങ്ങളുടെ വേദനയിൽ പങ്കുചേരുന്നതായി അവർ അറിയിച്ചത്. എന്നാൽ, നിമിഷനേരം കൊണ്ട് മൂന്ന് നിർദ്ധന കുടുംബങ്ങളുടെ പ്രതീക്ഷകൾ തല്ലിക്കെടുത്തിയ മകന്റെ ക്രൂരമായ അശ്രദ്ധയെ പൂർണ്ണമായി തള്ളിപ്പറയാൻ തയ്യാറാകാതെ, കേവലം അനുശോചന വാക്കുകളിൽ ഒതുക്കി സംസാരിച്ച മാതാവിന്റെ നിലപാടിൽ മലയാളികൾക്കിടയിൽ കടുത്ത അമർഷമാണ് ഉയരുന്നത്.

സോഷ്യൽ മീഡിയയിൽ പങ്കുവെച്ച വീഡിയോയിൽ വൈകാരികമായി സംസാരിക്കാനും വിതുമ്പി കരയാനും പരമാവധി ശ്രമിക്കുന്നുണ്ടെങ്കിലും, അതിൽ തെല്ലും ആത്മാർത്ഥതയില്ലെന്നാണ് നിരീക്ഷണം. മക്കളെ സ്നേഹത്തോടെ വളർത്തി വലിയ സ്വപ്നങ്ങളുമായി മുന്നോട്ടുപോകുമ്പോൾ പെട്ടെന്ന് അവരെ നഷ്ടപ്പെടുന്നതിന്റെ തീരാവേദന ചിന്തിക്കാൻ കഴിയുന്നതിലും അപ്പുറമാണെന്ന് നൂഹ സജീവ് വീഡിയോയിൽ പറയുന്നു. അപകടത്തിൽപ്പെട്ടവരുടെ കുടുംബങ്ങളുടെ തീരാദുഃഖം തനിക്ക് മനസ്സിലാകുമെന്നും തന്റെ വാക്കുകൾ ആ മാതാപിതാക്കളുടെ വേദന കുറയ്ക്കില്ലെന്ന് അറിയാമെങ്കിലും ആഴത്തിലുള്ള അനുശോചനം അറിയിക്കുന്നുവെന്നുമാണ് അവർ വ്യക്തമാക്കിയത്.

എന്നാൽ ഈ വീഡിയോ പുറത്തുവന്നതിന് പിന്നാലെ വൻ പ്രതിഷേധ തരംഗമാണ് അലയടിക്കുന്നത്. അമിതവേഗതയിലും അശ്രദ്ധമായും വാഹനമോടിച്ച് അഞ്ച് സെക്കൻഡുകൾ കൊണ്ട് മൂന്ന് നിരപരാധികളുടെ ജീവനെടുത്ത മകനെ പരസ്യമായി തിരുത്താനോ കുറ്റപ്പെടുത്താനോ തയ്യാറാകാത്ത മാതാവിന്റെ ഉരുണ്ടുകളിയെ ജനങ്ങൾ ഒന്നടങ്കം ചോദ്യം ചെയ്യുന്നു. "ഇനി എന്തിനാണ് ഈ ന്യായീകരണം?" എന്നും "സ്വന്തം മകന്റെ അഹങ്കാരത്തിന് കൂട്ടുനിന്ന ശേഷം ഇപ്പോൾ കണ്ണീർപ്പൂക്കൾ അർപ്പിക്കുന്നതിൽ എന്ത് ആത്മാർത്ഥതയാണുള്ളത്?"

വീഡിയോയിലൂടെ അനുശോചനം അറിയിച്ച് സാന്ത്വനത്തിന്റെ തണലൊരുക്കാൻ ശ്രമിക്കുകയാണ് നൂഹ. പക്ഷെ കമന്റ് ബോക്സിലെ പ്രതികരണങ്ങൾ കണ്ട് മലയാളി സമൂഹം ഒന്നാകെ ഞെട്ടിയിരിക്കുകയാണ്. മാഡം ...ഒരാള് തകരുന്നത് കണ്ട് സന്തോഷിക്കുന്ന മനോരോഗികളാണ് മലയാളികളിൽ ഭൂരിഭാഗവും. കാശ് ഉള്ളവരോട് അവർക്ക് എന്ത് മാത്രം ഫ്രസ്ട്രേഷൻ ഉണ്ട് എന്ന് കമന്റ് സ് നോക്കിയൊലറിയാം. നിങ്ങളുടെ മകന് മാത്രമേ തെറ്റ് പറ്റിയുള്ളൂ ബാക്കിയുള്ളവരെല്ലാം ലോകോത്തര മാതാപിതാക്കളല്ലേ. !!നിങ്ങൾ ദൈവത്തോട് നിരക്കൂ. ഈ മനോരോഗികളെ അവഗണിക്കൂ. നിയമം അതിൻ്റെ വഴിക്ക് പോകട്ടെ. ഈ സമയവും കടന്ന് പോകും കേട്ടോ.സമാധാനപ്പെടൂ..എന്ന് ഒരാൾ കുറിച്ചപ്പോൾ. മാം അവരുടെ കുടുംബങ്ങളെ ഏറ്റെടുക്കണം അവർക്കു വേണ്ടത് ചെയ്തു കൊടുക്കണം വീട് അതുപോലെ ജോലി അങ്ങനെ വേണ്ടതെല്ലാം ചെയ്തു കൊടുക്കണമെന്ന് മറ്റൊരാൾ കുറിച്ചു. അങ്ങനെ നന്മമര പ്രതികരണങ്ങൾ കൊണ്ട് നിറഞ്ഞിരിക്കുകയാണ് നൂഹ സജീവിന്റെ കമന്റ് ബോക്സ്.