വിവാഹ ബ്രോക്കർ ചമഞ്ഞ് വയോധികനിൽ നിന്ന് സ്വർണവും പണവും കവർന്നു. സംഭവത്തിൽ ചന്ദനത്തോപ്പ്‌ സ്വദേശി ഹസീന (33) അറസ്റ്റിൽ . കുണ്ടറ പൊലീസാണ് പ്രതിയെ പിടിക്കൂടിത്. അഞ്ചുതെങ്ങ് സ്വദേശി ബാബുവാണ് (68) തട്ടിപ്പിനിരയായത്.

വിവാഹ ബ്രോക്കറാണെന്ന് വിശ്വസിപ്പിച്ച് ഹസീന, വയോധികനെ കേരളപുരത്തുള്ള ഒരു വീട്ടിലേക്കു വിളിച്ചുവരുത്തി . ശേഷം അവിടെ വച്ച് മർദിക്കുകയും സ്വർണവും പണവും കവരുകയും ചെയ്തു.

ബാബുവിന്റെ കൈവശമുണ്ടായിരുന്ന മാലയും മോതിരവുമടക്കം 4 പവനിലധികം സ്വർണാഭരണങ്ങളും അയ്യായിരം രൂപയും തട്ടിയെടുത്തെന്നും പരാതിയുണ്ട് . ‌കേസിൽ കൂടുതൽ പ്രതികളുണ്ടെന്നും ഇവർക്കായുള്ള അന്വേഷണം തുടരുകയാണെന്നും പൊലീസ് വ്യക്തമാക്കി.