മധുരരാജയുടെ ഫൈറ്റിനൊപ്പം സണ്ണി ലിയോണിന്റെ ഐറ്റം നമ്പറും?
മെഗാസ്റ്റാര് ആരാധകരെല്ലാം പ്രതീക്ഷയോടെ കാത്തിരിക്കുന്ന സിനിമകളിലൊന്നാണ് പോക്കിരി രാജയുടെ രണ്ടാംഭാഗം മധുരരാജ.
മധുരരാജയിലെ പ്രധാനപ്പെട്ട സംഘട്ടന രംഗം 25 ദിവസം കൊണ്ടാണ് ചിത്രീകരിക്കുന്നതെന്ന റിപ്പോര്ട്ടുകളാണ് പുറത്തുവന്നിട്ടുള്ളത്. മാസ്സ് ചിത്രമായതിനാല്ത്തന്നെ ആക്ഷന് രംഗങ്ങള്ക്ക് പ്രാധാന്യമുണ്ട്. സിനിമയിലെ മുഖ്യ ഹൈലൈറ്റുകളിലൊന്നാണ് ഈ സംഘട്ടനമെന്നും റിപ്പോര്ട്ടുകളില് പറയുന്നു.
രാജയുടെ ഇത്തവണത്തെ വരവിന് പ്രത്യേകതകളേറെയാണെന്ന് അണിയറപ്രവര്ത്തകര് വ്യക്തമാക്കിയപ്പോള് മുതല് ആരാധകപ്രതീക്ഷയും വര്ധിക്കുകയായിരുന്നു. ആദ്യ മലയാള ചിത്രത്തിലൂടെ മികച്ച ആക്ഷന് കോറിയോഗ്രാഫര്ക്കുള്ള ദേശീയ പുരസ്കാരം സ്വന്തമാക്കിയതാണ് പീറ്റര് ഹെയ്ന്. മോഹന്ലാലിന്റെ ഒടിയനും ആക്ഷനൊരുക്കിയത് അദ്ദേഹമാണ്. ഇത്തവണ അദ്ദേഹം മമ്മൂട്ടിക്കൊപ്പമാണ് എത്തുന്നത്. മധുരരാജയിലെ പ്രധാനപ്പെട്ട സാഹസിക രംഗങ്ങളാണ് ഇപ്പോള് ചിത്രീകരിക്കുന്നതെന്ന് സംവിധായകന് വ്യക്തമാക്കിയിരുന്നു.
ചൂടന് നൃത്തരംഗങ്ങളുമായി എന്നും പ്രേക്ഷകരെ ആവേശം കൊള്ളിക്കുന്ന സണ്ണി ലിയോണ് ഈ ചിത്രത്തിലൂടെ മലയാളത്തില് തുടക്കം കുറിക്കുമെന്ന വാര്ത്തയും പുറത്തുവരുന്നുണ്ട്.സണ്ണിയെ നായികയാക്കി സിനിമയൊരുക്കുന്നതിനെക്കുറിച്ച് നേരത്തെ പ്രഖ്യാപിച്ചിരുന്നു.
മമ്മൂട്ടി ചിത്രത്തിലേക്ക് താരമെത്തിയേക്കുമെന്ന തരത്തിലുള്ള സ്ഥിരീകരിക്കാത്ത റിപ്പോര്ട്ടുകളും സോഷ്യല് മീഡിയയിലൂടെ പ്രചരിച്ചിരുന്നു. അനുശ്രീ, ഷനം കാസിം, മഹിമ നമ്പ്യാര് ഇവരാണ് മധുരരാജയിലെ നായികമാര്.
https://www.facebook.com/Malayalivartha