പ്രിയങ്കയെയും കരീനയെയും കുറിച്ച് 'കോഫീ വിത്ത് കരണ്‍' എന്ന ചാറ്റ് ഷോയിലാണ് ഷാഹിദ് മനസ്സു തുറന്നിരിക്കുന്നത്. സഹോദരനും നടനുമായ ഇഷാന്‍ ഖട്ടറുമൊത്താണ് തന്റെ കാമുകിമാരെക്കറിച്ച് വാചാലനായി ഷാഹിദ് ചാറ്റ് ഷോയില്‍ എത്തിയിരിക്കുന്നത്. ബോളീവുഡ് നായികമാരായ പ്രിയങ്ക ചോപ്രയും, കരീന കപൂറുമായുള്ള പ്രണയ കാലഘട്ടങ്ങളെക്കുറിച്ചാണ് ഷാഹിദ് മനസ് തുറന്നത്.

ചാറ്റ് ഷോയില്‍ കരണ്‍ ജോഹര്‍ ചോദിച്ച ചോദ്യത്തില്‍ മുന്‍ പ്രണയിനികളായ കരീനയെയാണോ അതോ പ്രിയങ്കയേയാണോ മറക്കാന്‍ പറ്റാത്തത് എന്ന് ചോദിച്ചപ്പോള്‍ തന്നെ ഒട്ടും മടിക്കാതെയാണ് ഷാഹിദിന്റെ ഉത്തരമെത്തിയത്. രണ്ടു പ്രണയങ്ങളില്‍ നിന്നും താന്‍ ഒരുപാട് പാഠങ്ങള്‍ ഉള്‍ക്കൊണ്ടുവെന്നും അതിനാല്‍ രണ്ടു പേരെയും മറക്കാന്‍ കഴിയില്ലെന്നുമാണ് ഷാഹിദ് വ്യക്തമാക്കിയത്. അവരില്‍ നിന്നുമുണ്ടായ അനുഭവങ്ങളുടെ വെളിച്ചത്തിലാണ് താന്‍ ഒരുപാടു ഉയരങ്ങളില്‍ എത്തിയതെന്നും ഷാഹിദ് കൂട്ടിച്ചേര്‍ത്തു.
പിന്നീടുയര്‍ന്ന ചോദ്യമായ കരീനയാണോ, പ്രിയങ്കയാണോ മികച്ച നടിയെന്ന ചോദ്യത്തിനും അമ്പരപ്പിക്കുന്ന തരത്തിലായിരുന്നു ഷാഹിദിന്റെ മറുപടി. 'കഴിവുളള നടിയാണ് കരീന, എന്നാല്‍ പ്രിയങ്ക തികച്ചും കഠിനാധ്വാനിയും ആത്മാര്‍ഥതയമുള്ള നടിയാണ്' എന്നായിരുന്നു മറുപടി.

കരീനയുമായി കുറെ നാളുകള്‍ നീണ്ടു നിന്ന പ്രണയമാണ് ഷാഹിദിന്റേത് പക്ഷേ പ്രിയങ്കയുമൊത്ത് അത്തരത്തില്‍ ഇല്ലായിരുന്നുവെന്നും ഷാഹിദ് വെളിപ്പെടുത്തി.