ബോളിവുഡ് താരം മഹേഷ് ആനന്ദിന്റെ മൃതദേഹം അഴുകിയ നിലയില് കണ്ടെത്തി
തൊണ്ണുറുകളില് ബോളിവുഡ് ചിത്രങ്ങളിലെ നിറ സാന്നിധ്യമായിരുന്ന മഹേഷ് ആനന്ദിനെ ദുരൂഹ സാഹചര്യത്തില് മരിച്ച നിലയില് കണ്ടെത്തി.
മുംബൈയിലെ വസതിയില് അഴുകിയ നിലയിലാണ് മഹേഷിന്റെ മൃതദേഹം കണ്ടെത്തിയത്. ഭാര്യ മോസ്കോയിലായിരുന്നതിനാല് മുംബൈയിലെ അദ്ധേരിയിലെ യാരി റോഡിലായിരുന്നു മഹേഷ് താമസിച്ചിരുന്നത്. 57 വയസായിരുന്നു.
വില്ലന് കഥാപാത്രങ്ങളിലൂടെയായിരുന്നു മഹേഷ് പേരെടുത്തത്. 80-കളിലും 90-കളിലും നിരവധി ചിത്രങ്ങളില് വില്ലന് കഥാപാത്രങ്ങളെ അനശ്വരമാക്കിയ താരമാണ് മഹേഷ്. മലയാളത്തില് മോഹന്ലാലിനൊപ്പം അഭിനയിച്ച അഭിമന്യു എന്ന ചിത്രത്തിലെ വില്ലന് വേഷമാണ് മഹേഷ് ആനന്ദിനെ മലയാള സിനിമ പ്രേക്ഷകര്ക്കിടയില് സുപരിചിതനാക്കിയത്.
കുരുക്ഷേത്ര, സ്വര്ഗ്, കൂലി നബര് 1, വിജേത, ഷഹെന്ഷാ തുടങ്ങിയ ചിത്രങ്ങളിലെ കഥാപാത്രങ്ങള് ശ്രദ്ധേയമായിരുന്നു. മലയാളത്തില് മോഹന്ലാലിനൊപ്പം പ്രജയെന്ന ചിത്രത്തിലും അഭിനയിച്ചിട്ടുണ്ട്.ഗോവിന്ദ നായകനായ രംഗീല രാജയാണ് അവസാന ചിത്രം.
https://www.facebook.com/Malayalivartha
