പത്തേമാരിയിലെ നായിക ജുവല്‍മേരിയോട് ക്യാമറയ്ക്ക് മുന്നില്‍ അഭിനയിക്കരുതെന്ന് മമ്മൂട്ടി പറഞ്ഞതെന്തിന്? അഭിനയമല്ല സ്വാഭാവികതയാണ് വേണ്ടത്. മമ്മൂട്ടിയുടെ ഉപദേശം കേട്ട ജുവല്‍മേരിക്ക് ആദ്യമൊന്നും മനസിലായില്ല.
ജുവല്‍മേരിക്ക് മമ്മൂട്ടിയെ കാണുന്നതുപോലും ഭയമായിരുന്നു. ഡി ഫോര്‍ ഡാന്‍സ് എന്ന ടെലിവിഷന്‍ പരിപാടിയിലൂടെ അരങ്ങേറ്റം നടത്തിയ ജുവല്‍മേരിക്ക് അഭിനയം എന്താണെന്നു വശമുണ്ടായിരുന്നില്ല.

ടെലിവിഷനില്‍ കത്തികയറിയ സമയത്ത് തമിഴില്‍ നിന്നും ചില ഓഫറുകളുണ്ടായി. എന്നാല്‍ സിനിമാരംഗത്തെത്താന്‍ താല്‍പര്യമില്ലാതിരുന്നതു കാരണം തമിഴ് കരാറുകളിലൊന്നും ഒപ്പുവച്ചില്ല. ഒടുവില്‍ സലിം അഹമ്മദിന്റെ മലയാള ചിത്രത്തില്‍ അഭിനയിക്കാനായിരുന്നു ജുവല്‍മേരിയുടെ നിയോഗം. മമ്മൂട്ടിയാണ് നായകന്‍.
സെറ്റിലെത്തിയ ജുവല്‍ കണ്ടത് മസില്‍മാനായ മമ്മൂട്ടിയെ. എന്നാല്‍ പരിചയപ്പെട്ടപ്പോള്‍ ഇത്രയും സിമ്പിളായ മറ്റൊരാളില്ലെന്ന് തോന്നിപ്പോയി. തലയെടുപ്പും മസിലുപിടുത്തവുമൊക്കെ പുള്ളിക്കാരന്റെ നമ്പരുകള്‍. ഒരു ഗൈഡിനെപ്പോലെയാണ് മമ്മൂട്ടി പെരുമാറിയത്. ജുവല്‍ അഭിനയിക്കാന്‍ തുടങ്ങുമ്പോള്‍ മമ്മൂട്ടി ചുണ്ടില്‍ വിരല്‍വയ്ക്കും. അഭിനയം വേണ്ട പെരുമാറ്റം മതി. ആദ്യ ഷോട്ട് കഴിഞ്ഞപ്പോള്‍ ജുവല്‍മേരി മനസിലാക്കി. ഇങ്ങനെയൊരു മനുഷ്യനെയാണല്ലോ ദൈവമേ താന്‍ തെറ്റിദ്ധരിച്ചത്.
മമ്മൂട്ടിയെ ജുവല്‍മേരി തെറ്റിദ്ധരിക്കാന്‍ കാരണമുണ്ട്. കുട്ടിക്കാലം മുതല്‍ താന്‍ കാണാന്‍ തുടങ്ങിയ മുഖം. അഭിനയത്തിന്റെ മറുകര ഒരു പ്രതിഭാശാലി. ജീവിതത്തില്‍ ഒരിക്കലെങ്കിലും മമ്മൂട്ടിയെ നേരില്‍കാണാന്‍ കഴിയുമെന്ന് പ്രതീക്ഷിച്ചതല്ല. അങ്ങനെയിരിക്കുമ്പോള്‍ ഡി ഫോര്‍ ഡാന്‍സിലൂടെ ക്യാമറയുടെ മുന്നിലെത്തിയത്.
ഡി ഫോര്‍ ഡാന്‍സില്‍ വളരെ പെട്ടെന്നാണ് ജുവല്‍മേരി പ്രേക്ഷകരെ കൈയ്യിലെടുത്തത്. ഒരു കുടുംബം പോലെയാണ് ടെലിവിഷന്‍ പരിപാടി അവതരിപ്പിക്കുന്നത്. ഒരു അസല്‍ ടീം പാര്‍ക്ക്. സിനിമയില്‍ പോലും ഇത്തരം ടീം പാര്‍ക്കുകള്‍ സജീവമല്ലെന്നാണ് ജുവല്‍മേരിയുടെ നിരീക്ഷണം.
ഡി ഫോര്‍ ഡാന്‍സില്‍ ജി.പി. യും താനും നടത്തുന്ന അഭിനയം ടെലിവിഷന്‍ സ്‌ക്രീനില്‍ മാത്രമാണെന്ന് ജുവല്‍മേരി പറയുന്നു. ഒരിക്കലും നിത്യജീവിതത്തിലില്ല.
ജുവല്‍മേരിക്ക് വിവാഹ സ്വപ്നങ്ങളുണ്ട്. എന്നാല്‍ അതിപ്പോള്‍ ഇല്ലെന്നുമാത്രം. തനിക്ക് വിവാഹം കഴിക്കാന്‍ പ്രായമായില്ലെന്നാണ് ജുവലിന്റെ വിശ്വാസം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha