കല എല്ലാ അതിര്‍വരമ്ബുകള്‍ക്കും രാഷ്ട്രീയത്തിനും അപ്പുറത്താണ്.... ചില സമയങ്ങളില്‍ കടുത്ത തീരുമാനങ്ങളിലേക്ക് പോകേണ്ടി വരുമെന്ന് വിദ്യാ ബാലന്‍
പുല്‍വാമ ഭീകരാക്രമണത്തിന് ശേഷം പാകിസ്താനെതിരെ കനത്ത നിലപാടുകളാണ് ബോളിവുഡ് സ്വീകരിച്ചത്. ഹിന്ദി സിനിമകള്‍ പാകിസ്താനില്‍ റിലീസ് ചെയ്യില്ലെന്നും ഇന്ത്യന്‍ സിനിമയില്‍ പാകിസ്താന്‍ കലാകാരന്മാര്‍ക്ക് ജോലി ചെയ്യാന്‍ അവസരം നല്‍കില്ലെന്നതുള്‍പ്പെടെയുള്ള തീരുമാനങ്ങള്‍ ഉണ്ടായി.
ഇന്ത്യന്‍ സിനിമ എടുത്ത നടപടികളില്‍ പ്രതികരണവുമായി എത്തിയിരിക്കുകയാണ് ദേശീയ അവാര്‍ഡ് ജേതാവും മലയാളിയുമായ നടി വിദ്യാ ബാലന്‍. ശക്തമായ നിലപാടുകള്‍ നമ്മള്‍ ചിലപ്പോള്‍ സ്വീകരിക്കേണ്ടി വരും. കല എല്ലാ അതിര്‍വരമ്ബുകള്‍ക്കും രാഷ്ട്രീയത്തിനും അപ്പുറത്താണെന്നാണ് ഞാന്‍ എന്നും വിശ്വസിക്കുന്നതെന്നും എന്നാല്‍ ചില കടുത്ത തീരുമാനങ്ങള്‍ എടുക്കേണ്ട സാഹചര്യങ്ങളുണ്ടാകുമെന്നും അവര്‍ പറഞ്ഞു.
എന്റെ വ്യക്തിപരമായ അഭിപ്രായത്തില്‍ ജനതയെ ഒരുമിച്ച് നിര്‍ത്താന്‍ കഴിയുന്ന, കലയേക്കാള്‍ വലിയ മറ്റൊന്നില്ല.
അത് സംഗീതമായാലും കവിതയോ ഡാന്‍സോ നാടകമോ സിനിമയോ എന്ത് കലാ രൂപമായാലും അതിന് മാത്രമെ സാധിക്കുകയുള്ളൂ. എങ്കിലും ചില സമയങ്ങളില്‍ നമുക്ക് കടുത്ത തീരുമാനങ്ങളിലേക്ക് പോകേണ്ടി വരുന്നതാണ് വിദ്യാ ബാലന്‍ അഭിപ്രായപ്പെട്ടു.
https://www.facebook.com/Malayalivartha
