ബാലയും സീരിയൽ നടിയും തമ്മിൽ വിവാഹം കഴിഞ്ഞുവെന്ന തരത്തിൽ സോഷ്യൽ വീഡിയോയിൽ കഴിഞ്ഞ ദിവസം വാർത്തകൾ നിറഞ്ഞിരുന്നു. ഈ വാർത്ത വ്യാജമാണെന്നും, ‘ഞാൻ പറയാൻ തുടങ്ങിയാൽ ‍ഞാൻ തന്നെ ജയിക്കും. എന്റെ നിശബ്ദതയ്ക്ക് ഒരുപാട് അർഥമുണ്ട്. അതുകൊണ്ട് എന്നെ കൊണ്ട് ഒന്നും പറയിപ്പിക്കരുതെന്ന് ലൈവിൽ പൊട്ടിത്തെറിച്ച് നടൻ ബാല. ബാലയുടെ പ്രതിഷേധത്തിന്റെയും അമർഷത്തിന്റെയും വാക്കുകൾ സോഷ്യൽ ലോകത്ത് വലിയ ചർച്ചയാവുകയാണ്. ഇതാദ്യമായിട്ടാണ് വ്യക്തിപരമായ കാര്യങ്ങളിൽ താരം ഒരു തുറന്നുപറച്ചിലിന് തയാറാകുന്നത്.

കേവലം 22 വയസ് മാത്രം പ്രായമുള്ള ആ പെൺകുട്ടിയെയും എന്നെയും േചർത്ത് ഇത്തരം വ്യാജവാർത്ത പ്രചരിപ്പിക്കുന്നത് ക്രൂരമാണെന്ന് ബാല പറയുന്നു. ഇതിന് മുൻപും ഇത്തരത്തിൽ വ്യാജവാർത്തകൾ ചമച്ച് തനിക്കെതിരെ ആക്രമണം നടത്തിയിരുന്നു പലരും. അന്നൊന്നും മിണ്ടാതിരുന്നത് വേണ്ടാ എന്നു കരുതിയാണ്. ഇതിപ്പോൾ നിരപരാധിയായ ഒരു പെൺകുട്ടിയുടെ ജീവിതം വച്ചാണ് കളിക്കുന്നത്. അതുപോലെ എന്നെയും റിമി ടോമിയെയും ചേർത്ത് ചില കുറിപ്പുകളും കമന്റുകളും കണ്ടു. ഇതിലൊന്നും ഒരു സത്യവുമില്ല. റിമി എന്റെ നല്ല സുഹൃത്താണ്. ബാല പറയുന്നു.

തന്റെ വ്യക്തിജീവിതത്തിലുണ്ടായ തിരിച്ചടികൾക്ക് ശേഷമാണ് ഇത്തരത്തിൽ താൻ ആക്രമിക്കപ്പെടുന്നതെന്ന് ബാല പറയുന്നു. വിവാഹമോചനത്തിന് ശേഷം താൻ ഒട്ടേറെ സൈബർ ആക്രമണങ്ങൾക്ക് വിധേയമായി. അന്നൊന്നും അതിനെക്കുറിച്ച് ഒന്നും പറഞ്ഞില്ല. വിവാഹമോചനത്തിലേക്ക് വരെ എത്തിയ കാര്യങ്ങളെ കുറിച്ചും പറഞ്ഞില്ല. എന്റെ നിശബ്ദതയ്ക്ക് ഒരുപാട് അർഥമുണ്ട്. എന്റെ മകളെ എനിക്ക് ജീവനാണ്. അതുകൊണ്ടാണ് ഇതുവരെ എല്ലാം സഹിച്ച് മിണ്ടാതിരുന്നത്. തുറന്നുപറയാൻ തുടങ്ങിയാൽ ജയം എനിക്കായിരിക്കും. അതുകൊണ്ട് കൂടി പറയുകയാണ്. എന്നെകൊണ്ട് ഒന്നും പറയിപ്പിക്കരുത്. എന്റെ നാടും വീടും ഉപേക്ഷിച്ച് ഇൗ കേരള മണ്ണിൽ നിൽക്കുന്നത് നിങ്ങളോടുള്ള ഇഷ്ടം കൊണ്ടാണ്. ഇനിയും വ്യാജവാർത്തകൾ വച്ച് വേട്ടയാടരുത്. ബാല പറയുന്നു.

തമിഴില്‍ നിന്നെത്തി നിരവധി ചിത്രങ്ങളിലൂടെ മലയാളികളുടെ പ്രിയം നേടിയ താരമാണ് ബാല. കരിയറില്‍ മികച്ച നിലയില്‍ നില്‍ക്കുമ്പോഴായിരുന്നു ഗായിക അമൃത സുരേഷുമായുള്ള വിവാഹം നടന്നത്. എന്നാല്‍ ചില പ്രശ്നങ്ങളെ തുടർന്ന് ഇരുവരും വേർപ്പിരിഞ്ഞു. ജീവിതത്തില്‍ മോശമായിട്ട് സംഭവിച്ചതെല്ലാം തന്‍റെ മാത്രം തീരുമാനമായിരുന്നുവെന്ന് അമൃത അടുത്തിടെ തുറന്നുപറഞ്ഞിരുന്നു.

റിമി ടോമി അവതാരകയാകുന്ന ഒന്നും ഒന്നും മൂന്നിന്റെ 24–ാം എപ്പിസോഡിൽ അതിഥികളായെത്തിയത് സീരിയൽ രംഗത്തെ മിന്നും താരങ്ങളായ റബേക്കയും, പ്രതീക്ഷയുമായിരുന്നു. ഈ പരിപാടിക്കിടയിലായിരുന്നു സീരിയൽ നടി പ്രതീക്ഷ ബാലയുടേ കടുത്ത ആരാധികയാണെന്ന് വെളിപ്പെടുത്തിയത്.

പ്രതീക്ഷയുടെ വാക്കുകൾ ഇങ്ങനെ...

പണ്ടു മുതലേ ബാലയുടെ ആരാധികയാണ്. പത്തനംത്തിട്ടയാണ് എന്റെ സ്ഥലം, പത്താം ക്ലാസിൽ പഠിക്കുമ്പോൾ അവിടെ ഒരു ഉദ്ഘാടനത്തിന് അദ്ദേഹം വന്നിരുന്നു. ഞാൻ ഇത് അറിഞ്ഞില്ല. അപ്രതീക്ഷതമായി എന്റെ ഇഷ്ടതാരം അവിടെ നിൽക്കുന്നുതാണ് കാണുന്നത്’’ പ്രതീക്ഷ പറഞ്ഞു. അന്ന് ഒരുപാട് പണിപ്പെട്ട് പ്രതീക്ഷ ബാലയുടെ ഓട്ടോഗ്രാഫ് സ്വന്തമാക്കി. ഇതിനിടെ ബാലയുടെ കല്യാണം കഴിഞ്ഞപ്പോൾ തകർന്നു പോയി അല്ലേ’ എന്ന് റിമിയുടെ കമന്റ് വരുകയായിരുന്നു. തനിക്ക് ബാലയോട് ആരാധനയായിരുന്നു എന്നു പ്രതീക്ഷ മറുപടി നൽകി.

പിന്നീടു തകർപ്പൻ കോമഡിയുടെ ഭാഗമായപ്പോൾ ബാലയെ കണ്ണു നിറയെ കണ്ടുവെന്നും താരം വ്യക്തമാക്കി. ‘‘ഇത്രയുമധികം ആരാധിക്കുന്ന ഒരാളുണ്ടെന്നു ബാല അറിയുന്നുണ്ടാവില്ല. ഈ പ്രോഗ്രാം കഴിഞ്ഞാൽ ഇങ്ങനെ ഒരാളുണ്ടെന്നു ബാലയെ വിളിച്ചറിയിച്ചിരിക്കുമെന്ന് റിമി ഉറപ്പും നൽകുകയായിരുന്നു. ഒടുവിൽ പറഞ്ഞ വാക്ക് റിമി പാലിക്കുകയായിരുന്നു. ബാലയെ നേരിൽ കാണാനുള്ള അവസരം പ്രതീക്ഷയ്ക്ക് ഒരുങ്ങുകയും ചെയ്തു .ഈ വാർത്തയെ വളച്ചൊടിച്ച് ഇരുവരും വിവാഹിതർക്കുന്നുവെന്ന തരത്തിൽ വ്യാജ വാർത്തകൾ പ്രചരിക്കുകയായിരുന്നു.