സിനിമയിൽ സജീവമായതിനു പിന്നാലെ തന്റെ പ്രണയം തകർന്നെന്ന് വെളിപ്പെടുത്തലുമായി നടി രജീഷ വിജയൻ. അനുരാഗ കരിക്കിൻ വെള്ളം എന്ന ആദ്യ സിനിമ കഴിഞ്ഞപ്പോൾ തന്നെ പ്രണയം തകർന്നെന്ന് താരം വെളിയപെടുത്തി .

‘ഒരു ബ്രേക്ക്അപ് ഉണ്ടായിട്ടുണ്ട്. പ്രണയിക്കാത്തവരായി ആരും ഉണ്ടാകില്ല. അതുപോലെ തന്നെയാണ് ബ്രേക്ക്അപ്പും. ഉണ്ടായിട്ടുണ്ടോ എന്ന് ചോദിച്ചാൽ ഉണ്ടായിട്ടുണ്ട്. പക്ഷേ അനുരാഗ കരിക്കിൻ വെള്ളം എന്ന സിനിമ ചെയ്യുമ്പോൾ ഉണ്ടായിരുന്നില്ല. അതിന് ശേഷമാണ് പ്രണയത്തകർച്ച സംഭവിച്ചത്’. രജിഷ പറയുന്നു.

അനുരാഗ കരിക്കിൻ വെള്ളം എന്ന സിനിമയിൽ എലിസബത്ത് എന്ന കഥാപാത്രത്തെയായിരുന്നു രജിഷ അവതരിപ്പിച്ചത്. പ്രണയത്തകർച്ച മൂലം കാമുകന്റെ പുറകെ നടക്കുന്ന നായിക. എലിയെന്ന എലിസബത്തിലൂടെ മലയാള സിനിമകളിലെ കാമുകീ കഥാപാത്രങ്ങള്‍ക്ക് വേറിട്ട കാഴ്ച നല്‍കാൻ രജിഷയ്ക്ക് കഴിഞ്ഞു.

നടിയുടെ ആദ്യ സിനിമയായിരുന്നു അനുരാഗ കരിക്കിന്‍ വെള്ളം. ഇതേ ചിത്രത്തിലൂടെ മികച്ച നടിക്കുള്ള സംസ്ഥാന അവാര്‍ഡും രജിഷ സ്വന്തമാക്കി. ഇതിനു പിന്നാലെ വിവാഹം വരെയെത്തിയ പ്രണയം തകർന്നതും വാർത്തയായിരുന്നു.

രജിഷ നായികയായി എത്തിയ പുതിയ ചിത്രം ജൂണിനും മികച്ച പ്രതികരണമാണ് പ്രേക്ഷകരിൽ നിന്നും ലഭിക്കുന്നത്. നവാഗതനായ അഹമ്മദ് കബീര്‍ സംവിധാനം ചെയ്യുന്ന ചിത്രത്തിൽ‌ ഒരു കൗമാര വിദ്യാര്‍ത്ഥിനിയെയാണ് രജിഷ അവതരിപ്പിക്കുന്നത്. ചിത്രത്തിൽ ആറ് ഗെറ്റപ്പുകളിലാണ് രജിഷ എത്തുന്നത്. സിനിമയ്ക്കായി നടി നടത്തിയ മേക്കോവർ സമൂഹമാധ്യമങ്ങളിൽ വൈറലായിരുന്നു.