തമന്ന ആറ് കിലോ കുറച്ചു
രാജമൗലിയുടെ പുതിയ ചിത്രമായ ബാഹുബലിക്ക് വേണ്ടി തമന്ന ആറ് കിലോ കുറച്ചു. പ്രേക്ഷകര് ഗ്ലാമര് നായികയായാണ് എന്നെ കാണുന്നത്. അതിനനുസരിച്ച് ശരീര സൗന്ദര്യം നിലനിര്ത്തുന്നുണ്ട്. എന്നാല് ബാഹുബലിയിലെ ആവന്തിക എന്ന കഥാപാത്രം അറിയപ്പെടാത്ത ഏതോ കാലഘട്ടത്തില് ജീവിച്ചിരുന്നയാളാണ്. ആ കഥാപാത്രം വ്യത്യസ്തമായ ഭാവത്തിലാണ് പ്രത്യക്ഷപ്പെടുന്നത്. അതിനായി ആറ് കിലോ കുറച്ചു. ഓട്സും ജ്യൂസും നട്സും മാത്രം കഴിച്ചാണ് തടി കുറച്ചത്. പിന്നെ നന്നായി വര്ക്കൗട്ട് ചെയ്തു.
ഇതിനു പുറമേ കുതിര സവാരിയും അമ്പെയ്ത്തും പരിശീലിച്ചു. ഹൈദരാബാദിലെ പരിശീലന കേന്ദ്രത്തില് രണ്ടാഴ്ചയോളം അതിനായി ചെലവഴിച്ചു. അതിനാല് ഇതുവരെ സ്ക്രീനില് കാണാത്ത തമന്നയെ കാണാനാകുമെന്ന് സംവിധായകന് പറഞ്ഞു. സാധാരണ സിനിമയില് സ്ത്രീകള് ചെയ്യാത്തത് പോലുള്ള സംഘട്ടന രംഗങ്ങളില് തമന്ന തിളങ്ങിയിട്ടുണ്ട്. ഇതുവരെ ചെയ്ത കഥാപാത്രങ്ങളില് ശാരീരികമായി വെല്ലുവിളി നേരിട്ട കഥാപാത്രമാണ് ആവന്തിക. സംഘട്ടനരംഗങ്ങള് ഒന്നോ രണ്ടോ ടേക്കിനുള്ളില് തമന്ന ഒക്കെയാക്കി.
ബള്ഗേറിയയുടെ തലസ്ഥാനമായ സോഫിയയിലാണ് ചിത്രം ചിത്രീകരിച്ചത്. മൈനസ് ഡിഗ്രിയില് തണുപ്പുള്ള അവിടെ വളരെ ബുദ്ധിമുട്ടിയാണ് ഷൂട്ടിംഗ് നടത്തിയത്. പ്രഭാസിന്റെയും തമന്നയുടെയും രാജമൗലിയുടെയും കരിയറിലെ മികച്ച ചിത്രമായിരിക്കും ബാഹുബലിയെന്ന് തെലുങ്ക് സിനിമയിലെ പ്രമുഖര് വിലയിരുത്തുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha