അനൂപ്‌ മോനോന്‍ വിവാഹിതനായി. രാവിലെ 7.30ന് കൊച്ചിയിലെ അനൂപിന്റെ വീട്ടില്‍വച്ചായിരുന്നു വിവാഹം. ലളിതമായിട്ടായിരുന്നു ചടങ്ങുകള്‍ സംഘടിപ്പിച്ചത്. അടുത്ത ബന്ധുക്കളും സുഹൃത്തുക്കളും മാത്രമേ ചടങ്ങില്‍ പങ്കെടുത്തുള്ളു. തന്റെ വിവാഹം കഴിഞ്ഞെന്ന് അനൂപ്‌മോനോന്‍ തന്നയാണ് ഫെയ്‌സ്ബുക്കിലൂടെ അറിയിച്ചത്. തന്റെ ദീര്‍ഘകാല സുഹൃത്ത് ഷേമയെ വിവാഹം കഴിച്ചതായാണ് താരം വെളിപ്പെടുത്തിയത്. എല്ലാവരും അനുഗ്രഹിക്കണമെന്നും അനൂപ് ഫെയ്‌സ്ബുക്കിലൂടെ പറഞ്ഞു. ആദ്യമായി ഇരുവരും ഒരുമിച്ചു നില്‍ക്കുന്ന ഫോട്ടോയും പോസ്റ്റ് ചെയ്തിട്ടുണ്ട്.
കൊല്ലം പത്തനാപുരം പ്രിന്‍സ് പാര്‍ക്കിലെ തോട്ടുമുക്കത്ത് പ്രിന്‍സ് അലക്‌സാണ്ടറുടെയും പരേതയായ ലില്ലി അലക്‌സാണ്ടറുടെയും മകളാണ് ഷേമ അലക്‌സാണ്ടറാണ് വധു. കോഴിക്കോട് ബാലുശേരി പറമ്പത്തു വീട്ടില്‍ പി. ഗംഗാധരന്‍ നായരുടെയും ഇന്ദിര മേനോന്റെയും മകനാണ് അനൂപ്. അഞ്ചു വര്‍ഷക്കാലമായി അനൂപിന്റെ അടുത്ത സുഹൃത്തായിരുന്നു ഷേമ അലക്‌സാണ്ടര്‍. സൗഹൃദത്തില്‍ നിന്നു തുടങ്ങി പ്രണയത്തിലേക്കു വഴിമാറിയ അടുപ്പം വിവാഹത്തിലെത്തുകയായിരുന്നു.
43 വയസുള്ള ഷേമ അലക്‌സാണ്ടര്‍ക്ക് ഇത് രണ്ടാം വിവാഹമാണ്. 21 വര്‍ഷം മുമ്പ് തെക്കേ ഇന്ത്യയിലെ പ്രമുഖ ബിസിനസ് ഗ്രൂപ്പായ അബാന്‍ ഗ്രൂപ്പിന്റെ ഉടമയുടെ രണ്ടാമത്തെ മകന്‍ റെനിയുമായി ഷേമയുടെ വിവാഹം നടന്നിരുന്നു. 8 വര്‍ഷം മുമ്പ് റെനി ഹാര്‍ട്ട് അറ്റാക്ക് വന്ന് മരിച്ചു. ഈ ബന്ധത്തില്‍ കുട്ടികള്‍ ഉണ്ടായിരുന്നില്ല. എന്നാല്‍ ഷേമ ഒരു കുട്ടിയെ ദത്തെടുത്ത് വളര്‍ത്തി. ആ കുട്ടിക്ക് ഇപ്പോള്‍ 16 വയസ് പ്രായം ഉണ്ട്. റെനിയുടെ മരണശേഷം ശത കോടികളുടെ സ്വത്താണ് ഷേമയ്ക്ക് ലഭിച്ചത്. ഷേമയ്ക്ക് സിനിമാരംഗവുമായി ബന്ധമില്ല.
ഭാവനയേയും അനൂപ് മേനോനേയും ബന്ധപ്പെടുത്തി നിരവധി വിവാഹ വാര്‍ത്തകള്‍ നേരത്തേ പുറത്ത് വന്നിരുന്നു. അനൂപ് മേനോന്റെ ചിത്രങ്ങളില്‍ തുടര്‍ച്ചയായി ഭാവനയായിരുന്നു നായിക.എന്നാല്‍ പിന്നീട് ഇരുവരും ഇത് നിഷേധിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha