കുഞ്ചാക്കോ ബോബന്‍ പങ്കുവച്ച ഒരു വീഡിയോ ആണ് സോഷ്യൽ മീഡിയയിൽ ഇപ്പോൾ വൈറലായി മാറുന്നത്. വീഡിയോയ്ക്ക് താഴെ വൈറസിലെ താരങ്ങളും അണിയറപ്രവര്‍ത്തകരും ആരാധകരും പ്രതികരണങ്ങളുമായെത്തി. ചാക്കോച്ചന്‍ കഷ്ടപ്പെട്ട് ഡയലോഗ് പഠിക്കുമ്പോള്‍, ടൊവീനോ എന്താ പബ്ജി കളിക്കുകയായിരുന്നോ എന്നും ചോദ്യമുണ്ട്. ചെറിയ ഡയലോഗ് ഒക്കെ ഇങ്ങനെ പഠിക്കണോ എന്നായിരുന്നു വൈറസിനു വേണ്ടി തിരക്കഥയും സംഭാഷണവും ഒരുക്കിയ മുഹ്‌സിന്‍ പരാരിയുടെ കമന്റ്. ഇതിനുള്ള ഉത്തരം നേരില്‍ കാണുമ്പോള്‍ തരാം എന്നാണ് മുഹ്‌സിന്‍ പരാരിയുടെ കമന്റിന് ചാക്കോച്ചന്‍ നല്‍കിയ രസകരമായ മറുപടി. മൂന്നു പേജു വരുന്ന ഡയലോഗുകളാണ് ചാക്കോച്ചന്‍ കുത്തിയിരുന്ന് പഠിച്ചത്. അടുത്ത് ഒരു ഉഴപ്പന്‍ ഇരിപ്പുണ്ടെന്ന് രസകരമായി ആരാധകര്‍ പറയുന്നു. ടൊവിനോ ആണ് അത്. ടൊവിനോ കാര്യമായി ഫോണില്‍ നോക്കിയിരിപ്പാണ്. ഒടുവില്‍ ആരാധകരുടെ സംശയത്തിന് മറുപടിയുമായി ടൊവീനോ തന്നെ രംഗത്തെത്തി.

ചാക്കോച്ചന്റെ ശ്രദ്ധ നഷ്ടപ്പെടാതിരിക്കാന്‍ തന്നെക്കൊണ്ട് സാധിക്കുന്ന രീതിയില്‍ ശ്രമിക്കുകയായിരുന്നു എന്നായിരുന്നു ടൊവീനോയുടെ മറുപടി. കുഞ്ചാക്കോ ബോബന്റെ മൂന്നു പേജ് നീളമുള്ള ഡയലോഗിന് ശേഷം തല കുലുക്കേണ്ടത് എങ്ങനെയെന്ന് കൃത്യമായി തയാറെടുത്തിരുന്നെന്നും ടൊവീനോ കുസൃതിയോടെ കുറിച്ചു. കുഞ്ചാക്കോ ബോബന്‍ പങ്കുവച്ച വീഡിയോക്ക് താഴെ വൈറസിലെ താരങ്ങളും അണിയറപ്രവര്‍ത്തകരും ആരാധകരും പ്രതികരണങ്ങളുമായെത്തി. പാര്‍വതി തിരുവോത്താണ് ഷൂട്ടിനിടയില്‍ രസകരമായ ഈ നിമിഷം പകര്‍ത്തിയത്.