നടൻ വിശാലിനെതിരെ വിമര്‍ശനവുമായി വരലക്ഷ്‌മി രംഗത്ത്. ട്വിറ്ററിലൂടെയാണ് വിശാലിനെ നടി വിമര്‍ശിച്ചിരിക്കുന്നത്. വരലക്ഷ്മിയുടെ അച്ഛന്‍ ശരത്കുമാറിനെ മോശമായി ചിത്രീകരിച്ചതിനെതിരെ ആണ് താരം പ്രതികരിച്ചിരിക്കുന്നത്. നടികര്‍ സംഘത്തിന്റെ തെരഞ്ഞെടുപ്പ് അടുത്ത ആഴ്ച നടക്കാനിരിക്കെ വിശാല്‍ തന്റെ തിരഞ്ഞെടുപ്പ് ക്യാമ്ബയിന്‍റെ ഭാഗമായിറക്കിയ വിഡിയോയില്‍ ശരത് കുമാറിനെ മോശമായി ചിത്രീകരിച്ചതിന്റെ പേരിലാണ് വരലക്ഷ്‌മി വിശാലിനെ വിമര്‍ശിച്ചിരിക്കുന്നത്.

നിങ്ങള്‍ അത്ര വിശുദ്ധന്‍ ഒന്നുമല്ല. നിങ്ങള്‍ക്ക് രണ്ട് മുഖമുണ്ടെന്ന് എല്ലാവര്‍ക്കുമറിയാം. നിങ്ങള്‍ ചെയ്ത കാര്യങ്ങളില്‍ അഭിമാനിക്കുന്നുണ്ടെങ്കില്‍ അതാണ് പറയേണ്ടത് അല്ലാതെ മറ്റൊരാളെ കരിവാരി തേക്കുകയല്ല വേണ്ടത്. നിങ്ങളോട് എനിക്ക് കുറച്ച്‌ ബഹുമാനം ഉണ്ടായിരുന്നു അത് ഇതോടെ ഇല്ലാതായി. നിങളുടെ ഈ പ്രവര്‍ത്തികൊണ്ട് ഒരു വോട്ട് നിങ്ങള്‍ക്ക് നഷ്ട്ടമായി എന്നാണ് വരലക്ഷ്‌മി പറഞ്ഞിരിക്കുന്നത്. വളരെ തരംതാഴ്ന്ന ക്യാമ്ബയിന്‍ ആണ് നിങ്ങള്‍ ഉപയോഗിച്ചതെന്നും വരലക്ഷ്‌മി പറഞ്ഞു.