നടിയാകാന്‍ ആഗ്രഹിച്ച് വെള്ളിത്തിരയിലേയ്ക്ക് എത്തിയ തനിക്ക് നേരിടേണ്ടി വന്ന ദുരനുഭവങ്ങള്‍ വെളിപ്പെടുത്തി താരപുത്രി കീര്‍ത്തി പാണ്ഡ്യന്‍. മോഹന്‍ലാല്‍ഐ വി ശശി കൂട്ടുകെട്ടില്‍ പിറന്ന ശ്രദ്ധ എന്ന ചിത്രത്തില്‍ വില്ലന്‍ കഥാപാത്രമായെത്തിയ അരുണ്‍ പാണ്ഡ്യന്റെ മകളാണ് കീര്‍ത്തി. തന്റെ ആദ്യ ചിത്രമായ തുമ്ബയുടെ അണിയറപ്രവര്‍ത്തകര്‍ക്കൊപ്പം പത്രസമ്മേളനത്തില്‍ പങ്കെടുത്തപ്പോഴാണ് നിറം കുറവാണെന്നും ഈ നിറത്തിലുള്ള ഒരു നടിക്ക് സിനിമാമേഖലയില്‍ തിളങ്ങാനാകില്ലെന്നും പല സംവിധായകരും പറഞ്ഞതിനെക്കുറിച്ച് കീര്‍ത്തി കരഞ്ഞു കൊണ്ട് വെളിപ്പെടുത്തിയത്.

എന്റെ ബാഹ്യരൂപത്തെക്കുറിച്ച് മോശമായി ഒന്നും പറയാത്ത ആദ്യസംവിധായകനാണ് ഹരീഷ്. എന്നാല്‍ നിങ്ങളെ ആരു നോക്കും, ഇത്ര നിറം കുറഞ്ഞവര്‍ക്ക് ഈ മേഖലയില്‍ തിളങ്ങാനാവില്ല. ആരും സിനിമയിലേക്ക് വിളിക്കില്ല എന്നെല്ലാം പല സംവിധായകരും എന്നോട് പറഞ്ഞിട്ടുണ്ട്. എന്നാല്‍ ഹരീഷ് എന്നോട് ആ രീതിയില്‍ സംസാരിച്ചിട്ടേയില്ല. എന്റെ രൂപത്തില്‍ മാറ്റം വരുത്തണമെന്നോ തടിക്കണമെന്നോ പോലും പറഞ്ഞില്ലെന്നും കീര്‍ത്തി പറഞ്ഞു. വിതുമ്ബിക്കരഞ്ഞ കീര്‍ത്തിയെ നടന്‍ ദീന ആശ്വസിപ്പിച്ചു.