ദേശീയ അവാർഡ് ജേതാവായ നായിക തൻറെ ദൈവ വിശ്വാസം നഷ്ടമാകതിരിക്കുവാൻ അഭിനയം നിർത്തുന്നു. അമീർ ഖാൻ അഭിനയിച്ച ദംഗൽ എന്ന ചിത്രത്തിലൂടെ പ്രേക്ഷക പ്രീതി നേടിയ സൈറ വസീമാണ് ഈ തീരുമാനം എടുത്തിരിക്കുന്നത്. മുസ്ലിം വിശ്വാസിയായ സൈറക്ക് സിനിമ തിരക്കും മറ്റുമൊക്കെ തന്നെ മതപരമായ പ്രവത്തനങ്ങളിൽ നിന്നും അകറ്റുന്നതായി തോന്നിയതിനാലാണ് ഇത്തരത്തിൽ ചിന്തിക്കാൻ പ്രേരിപ്പിച്ചെതെന്നു പറഞ്ഞു. അഭിനയ രംഗം തനിക്കു പ്രശസ്തിയും അംഗീകാരങ്ങളും നേടി തന്നു. 2016 ൽ സിനിമയിലെത്തിയ തനിക്കു പുരസ്കാരങ്ങളും പുകഴ്ച്ചകളുമൊക്കെ ധാരാളം കിട്ടി. എന്നാൽ ഇതൊന്നും തന്നെ തൃപ്തയാക്കുന്നില്ല എന്നാണ് താരം പറഞ്ഞിരിക്കുന്നത്.

ചെയ്യുന്ന തൊഴിൽ തൻറെ വിശ്വാസ ജീവിതത്തിനു തടസ്സം സൃഷ്ടിക്കുകയാണ്. മുസ്ലിം ആചാരങ്ങളിൽ നിന്നും ഒരുപാട് അകലുകയാണ് താനെന്നും അത് വലിയൊരു നഷ്ടമായിട്ടാണ് കണക്കാക്കുന്നെതെന്നും നടി വ്യക്തമാക്കി. വിശ്വാസത്തിൽ നിന്നും അകലുന്നത് തെറ്റല്ല എന്ന് സ്വയം മനസ്സിനെ പറഞ്ഞു ബോധ്യമാക്കാൻ ശ്രമിച്ചെങ്കിലും കഴിയുന്നില്ല. ദൈവവുമായി അകന്ന ജീവിതം തനിക്കൊരു തരത്തിലും ഐശ്വര്യം നൽകുന്നില്ലെന്നും സൈറ തൻറെ ഫേസ്ബുക്ക് പോസ്റ്റിലൂടെ അറിയിച്ചു. അതിനാൽ ദൈവത്തോട് കൂടുതുതാൽ അടുക്കുവാനും അദ്ദേഹത്തിൽ ആശ്രയം വയ്ക്കുവാനും ഈ രംഗം അവസാനിപ്പിക്കാൻ പോകുകയാണ് സൈറ വസീം.

കശ്മീർ സ്വദേശിയായ സൈറ വാസിം 2016 ലാണ് അഭിനയ രംഗത്തേക്ക് വന്നത്. 2016 ൽ പുറത്തിറങ്ങിയ ആമിര്‍ ഖാൻ നായകനായ ദംഗല്‍ എന്ന ചിത്രത്തിലൂടെയാണ് സൈറ ബോളിവുഡിൽ മികച്ച സഹനടിക്കുള്ള ദേശീയ അവാർഡും നടി സ്വന്തമാക്കി. പിന്നാലെ സീക്രട്ട് സൂപ്പർ സ്റ്റാറിലും സൈറ തൻറെ മികവ് പ്രകടമാക്കി. 'ദ സ്കൈ ഈസ് പിങ്ക്' എന്ന ചിത്രം ഒക്ടോബറിൽ പുറത്തിറങ്ങാനിരിക്കെയാണ് പതിനെട്ടു വയസ്സുകാരിയായ സൈറ താൻ അഭിനയം അവസാനിപ്പിക്കുന്നതായി അറിയിച്ചത്.