ബോളിവുഡ് താരം പ്രിയങ്ക ചോപ്രയുടെ വിവാഹശേഷം താരം പോസ്റ്റ് ചെയ്യുന്ന ഓരോ ഫോട്ടോയും വീഡിയോയും സോഷ്യല്‍ മീഡിയ ഏറ്റെടുക്കും. ഇപ്പോള്‍ താരം അബ്ലോഡ് ചെയ്ത ഒരു പാചക വീഡിയോ ആണ് സോഷ്യല്‍ മീഡിയയില്‍ വൈറല്‍ ആയിരിക്കുന്നത്. 

ഇറ്റലിയില്‍ ഭര്‍ത്താവ് നിക്ക് ജൊനാസിനൊപ്പം അവധിക്കാലം ആഘോഷിക്കുന്നതിനിടയിലാണ് പ്രിയങ്കയുടെ പാചകം. ഇതിന്റെ ചിത്രങ്ങളും വീഡിയോയും ഭര്‍ത്താവ് നിക്കാണ് ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്.

വളരെ ആസ്വദിച്ചാണ് പ്രിയങ്ക ചോപ്ര പാസ്ത സോസ് ഉണ്ടാക്കുന്നത്. ഭര്‍ത്താവ് നിക്ക് സമീപം നിന്ന് ഇതെല്ലാം കാണുന്നുണ്ടെന്നും പാചകം ആസ്വദിക്കുന്നതായും താരം പറയുന്നു.

പാചകം ചെയ്യുന്ന കാര്യത്തില്‍ താന്‍ മോശമാണെന്നും നിക്കിന്റെ അമ്മ നന്നായി പാചകം ചെയ്യുമെന്നും പ്രിയങ്ക ചോപ്ര നേരത്തെ തുറന്നുപറഞ്ഞിരുന്നു.